«Sen meni tazartyp aldyń»: Roza Muqanova marqum jarymen ótkizgen sátterinen syr shertti

Jaqynda jazýshy, dramatýrg Ákim Tarazı 92 jasynda dúnıe salǵan edi. Artynda qalǵan jubaıy Roza Muqanova marqum jaryn eske alyp, birge ótkizgen sátterinen syr shertti, dep jazady qandastar.kz

«Sizben suhbat qurý da, syrlasý da, birge ǵumyr keshý de – maǵan Allanyń bergen erekshe syıy edi. О́tken shaqta sóıleý óte qıyn. Qatty aǵynmen  ushyp kele jatyp, kóziń baılanyp jartasqa soǵylǵandaı jaraly sezim. Áýelgide et qyzýmen soǵylyp qalǵanyńdy jasyrǵandaı, uıalǵandaı, ózgege bildirtpeı ózińdi óziń aldaýsyratqandaı abaılap, abdyrap kúı keshý… Dál sondaı kóńil…  Qazir de ekeýara áńgimemizge kóz júgirtip otyrmyn. Oqyǵan saıyn daýysyńdy ap-anyq estip otyramyn. Bul daýysty tek men ǵana estımin», — dep jazady Roza Muqanova.

Sodan keıin ekeýara órbigen dıalogty jarııalaǵan:

Ákim Tarazı: — Sen meni dosyń retińde saqtaı aldyń, baǵalaı aldyń. Uıat bolsa da aıtaıyn, sen meni tazartyp aldyń, altyndy,kúmisti tazartqandaı.

Roza Muqanova: -Dos bola ma?..

Ákim Tarazı: — Dostyq  degen rýhanı orta. Ol ortada seni jaqsy kóretinder de, jek kóretinder de bolady. Rýhanı ortada tek taza, talantty adamdar ǵana bolmaıdy. Ár túrli adam bolady. Bireý  talanttyń janynda júrgendi maqtan etedi, bireýi jamandyq jasaý úshin de birge  júredi. Men satqyndyq degen sózdi aıtqym kelmeıdi. Satqyndyq – talantty adamǵa qıyndyq ákeledi.  Talanttardyń taǵdyry únemi qyl ústinde turatyny sondyqtan.  О́ıtkeni satqyn – talanttyń janynda júredi.

Roza Muqanova: — Jaqsy adamsyń!

Ákim Tarazı: — Solaı ma… janym-aý! Jaqsy adam sanatynda bolsam, ol meniń shyǵarmalarymnyń baǵalanýy. Solaı bolar…

Roza Muqanova: — Kókó,  bireý esikke qońyraý shaldy,  men esik ashaıyn.

Ákim Tarazı: — Mynaýyń dramatýrgııanyń detali —  sıtýaııa ózgerdi, basqa bir keıipker aralasty…

Bizdiń  ǵumyr osyndaı edi…