الەم جاڭالىقتارى
سەنات Bereke Bank جانە Tele2-ءتى كاتارلىقتارعا ساتۋدى ماقۇلدادى
فوتو: كاتار تۋريزم باسقارماسى
سەنات كاتارمەن قازاقستانداعى توعىز ءىرى ينۆەستيتسيالىق جوباعا قاتىستى كەلىسىمدى ماقۇلدادى. ت جوبالاردىڭ قاتارىندا گاز وڭدەۋ جانە سۋ ەلەكتر ستانتسيالارىنىڭ قۇرىلىسى, سونداي-اق «بەرەكە» بانكى مەن «موبايل تەلەكوم-سەرۆيس» جشس ساتۋ بار, دەپ حابارلايدى qandastar.kz
مىندەتتەمەلەرگە كەلەتىن بولساق, قازاقستان كەلىسىم شارتتارىن بۇزاتىن نەمەسە وزگەرتەتىن زاڭدار قابىلداي المايدى.
ينۆەستورلار ءۇشىن جەڭىلدىكتەرگە دە توقتالا كەتەيىك. كاتارلىق ينۆەستورلار كەدەندىك جانە سالىقتىق جەڭىلدىكتەرگە يە بولادى. سونداي-اق ولاردىڭ ينۆەستيتسياسى ۇلتتاندىرۋدان قورعالعان.
كەلىسىم شامامەن 20 ميلليارد دوللار تابىس اكەلىپ, مىڭداعان جۇمىس ورىندارىن اشۋعا مۇمكىندىك بەرەدى. سەناتور بۇقتۇعىتوۆ تاۋەكەلدەر مەن ىركىلىستەردى بولدىرماۋ ءۇشىن جوبانىڭ جۇزەگە اسىرىلۋىن مۇقيات باقىلاۋعا شاقىردى.
