Senat depýtaty zańsyz kóshi-qonnyń ósý máselesin kóterdi

Foto: ashyq derekkóz

Senat depýtaty Bıbigúl Jeksenbaı Qazaqstandaǵy zańsyz kóshi-qonnyń ósýi elimizdegi áleýmettik turaqtylyq pen qaýipsizdikke qaýip tóndiretin basty problemanyń birine aınalǵanyn aıtady, dep jazady qandastar.kz

Senator depýtattyq saýalynda Bas prokýratýranyń derekterin keltirip, elimizdiń zańdaryn buzǵan sheteldik azamattardyń sany 2024 jyly edáýir óskenin atap ótti. Bıyldyń ózinde 82 myńnan astam mıgrant ákimshilik jaýapkershilikke tartylǵan, al 1,2 myńǵa jýyq jumys berýshi sheteldik eńbek kúshin zańsyz paıdalanǵan eken.

Jalǵan eńbek shartyn, medıınalyq anyqtamalardy jasap, zańsyz esepke qoıǵan halyqqa qyzmet kórsetý ortalyqtary men emdeý mekemeleriniń qyzmetkerleri turatyn qylmystyq top anyqtalǵan. Eńbek jáne halyqty áleýmettik qorǵaý mınıstriliginiń deregi boıynsha qazir 13,2 myń shetel azamaty resmı túrde jumys isteıdi. Eńbek mıgranttarynyń derliginde jumysqa shaqyrý ruqsat qaǵazy joq. Zańdy jáne zańsyz mıgranttardyń jınaqtalýy áleýmettik-ekonomıkalyq ǵana emes, qaýipsizdik máseleleriniń týyndaýyna ákelýi múmkin, – dep atap ótti depýtat.

Bıbıgúl Jeksenbaıdyń pikirinshe, jahandaný jáne kóshi-qon aǵyndary kúsheıgen jaǵdaıda Qazaqstanǵa shetel azamattarynyń qozǵalysyn baqylaýdy kúsheıtý, eńbek mıgranttaryn zańdastyrý júıesin damytý jáne zańsyz kóshi-qondy men eńbek resýrsyn paıdalanýdy uıymdastyrýshylarǵa jazany qatańdatý qajet.

Shekarada qatań sharalar qoldaný, baqylaýda ınnovaııalyq tehnologııa paıdalaný jáne mıgranttar arasynda habardarlyqty arttyrýdy kózdeıtin keshendi tásil ǵana ósip kele jatqan qaýipti jeńýge kómektesedi, dep sanaıdy senator. Qazaqstan óziniń ekonomıkalyq múddesin qorǵap qana qoımaı, qoǵamda turaqtylyqty saqtap, barlyǵyna qaýipsiz jáne ádiletti túrde jumysqa ornalasýdy qamtamasyz etýi mańyzdy, – dedi Bıbıgúl Jeksenbaı.