ءبىلىم
سەنات دەپۋتاتى: قازاقستاندا ءجاسوسپىرىم قىزدار اراسىنداعى ەرتە جۇكتىلىك ماسەلەسى ۋشىعىپ بارادى
فوتو: ۆيكيپەديا
سەنات دەپۋتاتى نۇرتورە ءجۇسىپ سوڭعى بەس جىلدا ەلىمىزدە ءجاسوسپىرىم قىزداردىڭ ەرتە جۇكتىلىك كورسەتكىشى 1,5 ەسەگە ارتقانىن, اسىرەسە جامبىل, تۇركىستان جانە ماڭعىستاۋ وبلىستارىنداەرتە بوسانۋ جاعدايلارى كوبەيگەنىن مالىمدەدى, دەپ حابارلايدى qandastar.kz
دەپۋتات بۇل ماسەلە ءبىلىم بەرۋ جانە دەنساۋلىق ساقتاۋ سالالارىنىڭ ءجىتى باقىلاۋىن قاجەت ەتەتىنىن اتاپ ءوتتى.
“ەرتە انا اتانۋ جاس قىزدار مەن ولاردىڭ بالالارىنىڭ دەنساۋلىعىنا ايتارلىقتاي زيان تيگىزەدى. بۇل ولاردىڭ ءبىلىم الۋىنا, تولىققاندى دامۋىنا كەرى اسەر ەتەدى. سوندىقتان دا پروفيلاكتيكالىق شارالاردى كۇشەيتىپ, جاستاردىڭ حاباردارلىعىن ارتتىرۋ قاجەت. دارىگەرلىك جانە پسيحولوگيالىق قىزمەتتەردىڭ قولجەتىمدىلىگىن جاقسارتۋ ماڭىزدى”, – دەدى نۇرتورە ءجۇسىپ.
ونىڭ پىكىرىنشە, بۇل ماسەلەگە كەشەندى تۇردە قاراۋ كەرەك. جاسوسپىرىمدەردىڭ دەنساۋلىعى مەن بولاشاعىنا قاۋىپ توندىرەتىن فاكتورلاردى ازايتۋ ءۇشىن مەكتەپتەردە تاربيە جۇمىستارى كۇشەيتىلىپ, اقپاراتتىق-ءتۇسىندىرۋ شارالارى جۇيەلى تۇردە جۇرگىزىلۋى ءتيىس.
