Senat depýtaty: Qazaqstanda jasóspirim qyzdar arasyndaǵy erte júktilik máselesi ýshyǵyp barady

Foto: vıkıpedıa

Senat depýtaty Nurtóre Júsip sońǵy bes jylda elimizde jasóspirim qyzdardyń erte júktilik kórsetkishi 1,5 esege artqanyn, ásirese Jambyl, Túrkistan jáne Mańǵystaý oblystaryndaerte bosaný jaǵdaılary kóbeıgenin málimdedi, dep habarlaıdy qandastar.kz

Depýtat bul másele bilim berý jáne densaýlyq saqtaý salalarynyń jiti baqylaýyn qajet etetinin atap ótti.

“Erte ana ataný jas qyzdar men olardyń balalarynyń densaýlyǵyna aıtarlyqtaı zııan tıgizedi. Bul olardyń bilim alýyna, tolyqqandy damýyna keri áser etedi. Sondyqtan da profılaktıkalyq sharalardy kúsheıtip, jastardyń habardarlyǵyn arttyrý qajet. Dárigerlik jáne psıhologııalyq qyzmetterdiń qoljetimdiligin jaqsartý mańyzdy”, – dedi Nurtóre Júsip.

Onyń pikirinshe, bul máselege keshendi túrde qaraý kerek. Jasóspirimderdiń densaýlyǵy men bolashaǵyna qaýip tóndiretin faktorlardy azaıtý úshin mektepterde tárbıe jumystary kúsheıtilip, aqparattyq-túsindirý sharalary júıeli túrde júrgizilýi tıis.