Senat nesıe berýdegi táýekeldi azaıtý týraly zańdy qarady

Artyq nesıe alýǵa shekteý qoıyp, jubaıynyń kelisiminsiz kredıt alýǵa tyıym salý.

Búgin «nesıe berýdegi táýekelderdi azaıtý týraly zań» Senatta birinshi oqylymda qaraldy. Qujat qaryz alýshylardyń quqyqtaryn qorǵaý, qarjy naryǵyn retteý jáne atqarýshylyq is júrgizýdi jetildirýdi kózdeıdi. Jobada nesıesi 90 kúnnen beri tólenbegen azamattarǵa kredıt berýge tyıym salý da qarastyrylǵan.

Sonymen qatar áskerde júrgen boryshkerge nesıe tólemderin keıinge qaldyrý múmkindigi berilmek. Zańda azamattardyń problemalyq bereshegin retteýdi yntalandyratyn talaptar da bar. Máselen, 2026 jylǵy 1 mamyrǵa deıin bankter men mıkroqarjy uıymdarynyń qaryzdardy kollektorlarǵa berýine moratorıı engiziledi.

Sondaı-aq bıometrııalyq sáıkestendirýsiz elektrondyq nesıe berýge tyıym salyný usynylyp otyr. Aıta keteıik, senat depýtattary, birqatar túzetýmen zań jobasyn, Májiliske qaıtardy.