سەنات جاڭا بيۋدجەت كودەكسىن ماجىلىسكە كەرى قايتاردى

فوتو: اشىق دەرەككوز

سەنات جاڭا بيۋدجەت كودەكسىن ماجىلىسكە كەرى قايتاردى, دەپ جازدى qandastar.kz

دەپۋتاتتار ماڭىزدى قۇجاتتاعى جەكە باپتاردىڭ رەداكتسياسىن ۇسىندى. كودەكستە ۇلتتىق قورعا قاتىستى 3-4 باپقا تۇزەتۋ ەنگىزىلدى.

نەگىزگى وزگەرىستەرگە توقتالساق: 30-باپتا – رەسپۋبليكالىق بيۋدجەت شىعىستارىندا توتەنشە جاعدايلاردىڭ الدىن الۋعا جانە جويۋعا جانە اۆاريالىق-قۇتقارۋ جۇمىستارىن جۇرگىزۋگە ارنالعان شىعىستار كوزدەلگەن; تۇرعىن ءۇي-كوممۋنالدىق شارۋاشىلىق سالاسىنداعى بيۋدجەتتىك ينۆەستيتسيالىق جوبالار بويىنشا اۋماقتىلىعىنا قاراي بەلگىلى ءبىر شەكتەۋلەر بەلگىلەنبەيدى; اۋىلدىق ەلدى مەكەندەر اراسىنداعى اۆتوموبيل جولدارىن سالۋ, رەكونسترۋكتسيالاۋ, جوندەۋ جانە كۇتىپ ۇستاۋ جونىندەگى شىعىستار وبلىستىق جانە اۋداندىق بيۋدجەت ەسەبىنەن جۇزەگە اسىرىلۋعا ءتيىس. وسىعان بايلانىستى اتالعان شىعىستاردى اۋىلدىق وكرۋگتىڭ شىعىستارىنان الىپ تاستاۋ قاجەت; جايىلىمدىق ينفراقۇرىلىم وبەكتىلەرىن دامىتۋ مەن رەكونسترۋكتسيالاۋعا قاراجاتتى اۋداندىق جانە اۋىلدىق بيۋدجەتتەردىڭ شىعىستارىنا جاتقىزۋ ۇسىنىلادى, ويتكەنى بۇل فۋنكتسيالار «جايىلىمدار تۋرالى» زاڭىندا كوزدەلگەن; بيۋدجەتتىڭ اشىقتىعى قاعيداتىن قامتاماسىز ەتۋ ماقساتىندا مەملەكەتتىك, رەسپۋبليكالىق جانە جەرگىلىكتى بيۋدجەتتەردىڭ اتقارىلۋى تۋرالى, سونداي-اق وبلىستىق بيۋدجەتتىڭ, رەسپۋبليكالىق ماڭىزى بار قالانىڭ, استانانىڭ, اۋداننىڭ (وبلىستىق ماڭىزى بار قالانىڭ), اۋداندىق ماڭىزى بار قالانىڭ, تيىسىنشە اۋىل, كەنت, اۋىلدىق وكرۋگ بيۋدجەتىنىڭ اتقارىلۋى تۋرالى اي سايىنعى ەسەپتەردى جاريالاۋدى قامتاماسىز ەتۋ جونىندەگى نورمامەن تولىقتىرىلسىن; ۇلتتىق قوردان بولىنگەن قاراجاتتىڭ نىسانالى, زاڭدى جانە ءتيىمدى پايدالانىلۋىنا مونيتورينگ ناتيجەلەرىن قاراۋى جونىندەگى نورمانى ەنگىزۋ ۇسىنىلدى;

كۆازيمەملەكەتتىك سەكتور سۋبەكتىلەرىنىڭ تولەمدەردى, ونىڭ ىشىندە قۇرىلىسقا, مەملەكەتتىك ساتىپ الۋعا, پيلوتتىق جوبالاردى ىسكە اسىرۋعا بايلانىستى تولەمدەردى جۇرگىزۋ كەزىندە اعىمداعى باقىلاۋ ايقىندالعان; كودەكستىڭ 143-بابىندا ەكسپورتتى قولداۋ بويىنشا مەملەكەتتىك كەپىلدىكتى الۋ ءۇشىن بيۋدجەت ساياساتى جونىندەگى ورتالىق ۋاكىلەتتى ورگاننىڭ وڭ قورىتىندىسىنىڭ بولۋى بويىنشا تالاپ كوزدەلگەن. وسىعان بايلانىستى ونىڭ قۇزىرەتىنە اتالعان مەملەكەتتىك كەپىلدىكتەردى بەرۋ ءۇشىن قورىتىندىنى ازىرلەۋگە نەمەسە تۇزەتۋگە قويىلاتىن تالاپتاردى بەلگىلەۋ جونىندەگى نورمانى ەنگىزۋ قاجەت; بۇگىنگى تاڭدا ۇلتتىق قوردان تارتىلاتىن كەپىلدىك بەرىلگەن ترانسفەرتتىڭ جىلدىق سوماسى اي سايىن تەڭ ۇلەستەرمەن تارتىلادى جانە قارجى جىلى ىشىندە ونىڭ قاجەتتى سومالارعا سۇرانىسى ءارتۇرلى بولۋى مۇمكىن بولعاندىقتان, مەملەكەتتىك قازىناشىلىقتىڭ ناقتى قاجەتتىلىكتەرىنە قاراي كەپىلدىك بەرىلگەن ترانسفەرتتىڭ اي سايىنعى كولەمىنىڭ ءارتۇرلى سومالارىن بەلگىلەۋ مۇمكىندىگى بولاتىن نورما ۇسىنىلادى;

ۇلتتىق قوردان بولىنگەن قاراجاتتى ءتيىمدى جانە ۇتىمدى پايدالانۋ ماقساتىندا, سونداي-اق قر ۇلتتىق قورىنىڭ ۆاليۋتالىق اكتيۆتەرىن 2030 جىلى 100 ملرد دوللارعا دەيىن ۇلعايتۋ بويىنشا ناتيجەلەرگە قول جەتكىزۋ ءۇشىن 115-باپ نىسانالى ماقساتى بويىنشا پايدالانىلماعان نىسانالى ترانسفەرتتەردى ۇلتتىق قورعا مىندەتتى تۇردە قايتارۋ جونىندەگى نورمامەن تولىقتىرىلدى; كەپىلگەرلىك شارتى جانە ونىڭ قولدانىلۋ مەرزىمىن رەگلامەنتتەۋ شەڭبەرىندە رەسپۋبليكالىق بيۋدجەتتەن بولىنگەن قاراجاتتىڭ قايتارىلۋىن قامتاماسىز ەتۋ ماقساتىندا 145-باپتا ولاردى قايتارۋ جونىندەگى نورمانى, سونداي-اق مەملەكەت كەپىلگەرلىگىنىڭ قولدانىلۋىن توقتاتۋ نەگىزىن كوزدەيتىن نورمانى كوزدەۋ ۇسىنىلادى; بيۋدجەت كودەكسى مەملەكەتتىك يسلام باعالى قاعازىن شىعارۋدى كوزدەيتىندىكتەن, ونىڭ شىعارىلۋى مەن اينالىمىنىڭ ءتارتىبى مەن شارتتارىن كوزدەۋ ۇسىنىلادى.