سەناتور كوممۋنالدىق قىزمەتتەردىڭ تاريفتەرىن قايتا قاراۋدى تالاپ ەتتى

دەپۋتات گاز بەن كوممۋنالدىق قىزمەتتەرگە تاريفتەردىڭ جوعارى بولۋى وتاندىق وندىرۋشىلەر ءۇشىن ماڭىزدى ماسەلەلەردىڭ ءبىرى جانە ەلەۋلى ەكونوميكالىق تاۋەكەلدەر تۋدىرادى دەپ سانايدى.

«وندىرىستىك قىزمەتپەن اينالىساتىن, شيكىزاتتى قايتا وڭدەۋمەن اينالىساتىن, تاۋارلاردى وندىرەتىن جانە ولاردى ودان ءارى وتكىزۋ ماقساتىندا قىزمەت كورسەتەتىن وتاندىق كاسىپورىنداردىڭ الدىندا تۇرعان نەگىزگى ماسەلەلەردىڭ ءبىرى گاز بەن كوممۋنالدىق قىزمەتتەرگە جوعارى تاريفتەر. سوڭعى جىلدارى تابيعي گاز تاريفتەرىنىڭ ءوسۋى تۇراقتى ءۇردىس بولدى. سونىمەن قاتار, سوڭعى ەكى جىلدا گاز باعاسى 200%-دان استامعا ءوستى, بۇل شاعىن جانە ورتا كاسىپكەرلىك سۋبەكتىلەرىنىڭ قارجىلىق جۇكتەمەسىن ايتارلىقتاي قيىنداتادى», – دەدى امانگەلدى نۇعمانوۆ.

سونداي-اق ول بەكىتىلگەن تاريفتىك جۇيە جۇكتەمەنى ادىلەتسىز بولۋگە اكەلىپ سوقتىراتىنىن باسا ايتتى.