Senator kommýnaldyq qyzmetterdiń tarıfterin qaıta qaraýdy talap etti

Depýtat gaz ben kommýnaldyq qyzmetterge tarıfterdiń joǵary bolýy otandyq óndirýshiler úshin mańyzdy máselelerdiń biri jáne eleýli ekonomıkalyq táýekelder týdyrady dep sanaıdy.

«О́ndiristik qyzmetpen aınalysatyn, shıkizatty qaıta óńdeýmen aınalysatyn, taýarlardy óndiretin jáne olardy odan ári ótkizý maqsatynda qyzmet kórsetetin otandyq kásiporyndardyń aldynda turǵan negizgi máselelerdiń biri gaz ben kommýnaldyq qyzmetterge joǵary tarıfter. Sońǵy jyldary tabıǵı gaz tarıfteriniń ósýi turaqty úrdis boldy. Sonymen qatar, sońǵy eki jylda gaz baǵasy 200%-dan astamǵa ósti, bul shaǵyn jáne orta kásipkerlik sýbektileriniń qarjylyq júktemesin aıtarlyqtaı qıyndatady», – dedi Amangeldi Nuǵmanov.

Sondaı-aq ol bekitilgen tarıftik júıe júktemeni ádiletsiz bólýge ákelip soqtyratynyn basa aıtty.