Senator mektep psıhologtarynyń jalaqysy az ekenin aıtty

Foto: Egemen Qazaqstan

Senator Ǵalıasqar Sarybaev premer-mınıstr Oljas Bektenovke depýtattyq saýal joldap, mektep psıhologtarynyń jalaqysyn kóterýdi usyndy, – dep habarlaıdy bai-bol.kz.

Onyń aıýtynsha, balalardyń psıhologııalyq jaǵdaıy men minez-qulqyndaǵy alǵashqy problema mektepke deıin jáne mektep jasynda anyqtalady. Sondyqtan pedagog-psıhologtar oqýshylarǵa jeke kómek kórsetý úshin kórsetiletin qyzmettiń sapasyn arttyrý máselesin qarastyrýy kerek.

Oqý-aǵartý mınıstriniń №224 buıryǵyndaǵy normatıvke sáıkes, psıhologtardyń shtat sany mekteptegi jalpy synyp boıynsha eseptelgen. Osyǵan sáıkes, kez kelgen bilim berý mekemesinde psıholog shtattary 0,5-ten 2 birlik arasynda qarastyrylǵan. Mysaly, ortasha eseppen 1,5 myń bala oqıtyn mektepterde 60, al 4,5 myń jáne odan da kóp oqýshy bar bilim berý oshaqtarynda 170-ten kóp synyp bar. Iaǵnı, 1 psıholog 2 myń oqýshyǵa jáne erekshe bilim berý qajettigi bar balalarǵa qyzmet kórsetip jatyr. Psıhologtyń úlken júktemesi bolýyna baılanysty, naqty muqtaj adamǵa kómek berilmeıdi, – dedi Ǵalıasqar Sarybaev.

Depýtat máseleni sheshý úshin mektep psıhologtarynyń sany jónindegi normatıvti qaıta qaraýdy, synyp sanyna túzetýler engizýdi, mamandardyń jalaqysyn kóterýdi usyndy.

1987 jyly resmı túrde mektepterge psıholog shtattary engizildi. Alaıda olardyń zańdy mártebesi anyqtalmaǵan. Eńbekaqy tóleý júıesinde olar qosymsha mamandyq retinde anyqtaldy. Psıhologııa erekshe mamandyq ekenin eskerip, psıhologtardy negizgi mamandar tizbesine engizýdi oılastyrý kerek, – dedi senator.

Eske sala ketsek, buǵan deıin

• Balalar úıindegi muǵalimderdiń jalaqysy mardymsyz ekenin;
• Sot aýdarmashysy jalaqysynyń jol shyǵyndaryn óteýge jetpeıtinin;
• О́rt sóndirýshi serjanttardyń 180-aq myń teńge jalaqy alatynyn;
• Energetıkterdiń jalaqysyna kommýnaldyq tarıfti qymbattatý esebinen 30 myń teńge qosylǵanyn;
• Sanıtarlardyń aılyǵy shaılyǵyna jetpeıtinin jazǵan bolatynbyz.