Senator: Soltústik pen shyǵysta halyq sany azaıǵan

Qazaqstanda demografııalyq saıasat fragmentti sıpatta qalyp otyr, al ony júzege asyrýda júıelilik pen úılesimdilik jetispeıdi. Bul týraly Senat otyrysynda depýtat Amangeldi Tolamısov óziniń depýtattyq saýalynda málimdedi, dep habarlaıdy qandastar.kz

Senatordyń aıtýynsha, demografııa men kóshi-qondy basqarý fýnkııalary ártúrli memlekettik organdar arasynda shashyrańqy ornalasqan. Bul júıeli taldaý júrgizýge jáne naqty jospar qurýǵa múmkindik bermeıdi. Onyń saldarynan elde týý kórsetkishi tómendep, halyqtyń qartaıýy, óńirlik teńsizdik, ásirese soltústik jáne shyǵys aımaqtardaǵy halyq sanynyń azaıýy, kóshi-qon aǵynynyń artýy jáne ýrbanızaııanyń kúsheıýi baıqalyp otyr.

«Qalyptasqan syn-qaterlerdi jeke bastamalarmen eńserý múmkin emes. Bul máselelerge ǵylymı negizdelgen, vedomstvoaralyq úılestirilgen, birtutas keshendi kózqaras qajet», – dedi Tolamısov.

Onyń pikirinshe, qazirgi jaǵdaıda bul salaǵa jaýapty biryńǵaı ortalyqtyń joqtyǵy ókilettikterdiń bulyńǵyrlanýyna jáne basqarýdyń tıimdiliginiń tómendeýine sebep bolyp otyr. Osyǵan baılanysty senator qoldanystaǵy memlekettik organdardyń birine demografııa men kóshi-qon salasyndaǵy negizgi úılestirý fýnkııalaryn zańnamalyq deńgeıde bekitip berýdi usyndy.

Senator sondaı-aq demografııa salasyndaǵy ǵylymı-taldaý jumysyn damytý qajet ekenin aıtty. Onyń ishinde ulttyq taldaý ortalyǵyn qurý – demografııalyq jáne kóshi-qon úderisterin áleýmettik-ekonomıkalyq faktorlarmen birge jan-jaqty zertteýge jáne memlekettik saıasatty dál josparlaýǵa múmkindik bermek.

Buǵan qosa, Amangeldi Tolamısov bul strategııany tıimdi júzege asyrý úshin bilikti kadrlardy daıarlaý máselesine de erekshe nazar aýdardy.