سەناتور: زەينەتكەرلەردىڭ مۇددەسى قورعالمايدى

سەنات دەپۋتاتتارى ۇلتتىق بانككە وسىلاي دەپ سىن ايتتى. ماسەلەن قوردىڭ 300 ملرد تەڭگەسى اگروونەركاسىپكە باعىتتالعان, دەپ جازدى qandastar.kz

دەگەنمەن قارجى جىلدام ءوسىپ, جاقسى ناتيجەگە جەتەمىز دەپ ايتۋعا كەلمەيدى. بۇل جەردە ديقاندارعا جاقسى كومەك جاساعانىمىزبەن, سالىمشىلاردىڭ مۇددەسى ۇمىت قالىپ جاتىر, دەپ جازادى qazaqstan.tv.

وسى سياقتى قادامدار تىم كوپ دەدى قارجى جانە بيۋدجەت كوميتەتىنىڭ توراعاسى سۇلتانبەك ماكەجانوۆ. جالپى سەناتورلار بۇگىن زەينەتاقى اكتيۆتەرىن باسقارۋ ماسەلەلەرىن ساراپشىلارمەن بىرگە تالقىلادى.

ەڭ باستىسى حالىقتىڭ قورعا جيناعان اقشاسىنىڭ قايدا باعىتتالىپ جاتقانى اشىق كورسەتىلۋى ءتيىس دەگەن ۇسىنىستارىن ايتتى.

«جاھاندىق زەينەتاقى جۇيەسىنىڭ تۇرمىسى تومەن قارتتارعا كومەك كورسەتۋ, قورداعى قارجىنىڭ كولەمىن كوبەيتۋ, زەينەتكەرلەردى جۇمىسقا ورنالاستىرۋ دەگەن سياقتى ۇسىنىستارى بار. ءبىز مۇنىڭ ءبىرىن دە ورىنداپ وتىرعان جوقپىز. ءبىزدىڭ زەينەتكەرلەر اقشاسى جەتپەي بارا جاتسا, ءبىر جەرگە كۇزەتشى بولىپ كىرەدى, ايەل ادامدار ىدىس جۋادى. ويتكەنى باسقا جۇمىسقا المايدى. بۇل دۇرىس پا? قارتايعان شاعىندا ءبىز ولاردى قوعامنان ىسىرىپ تاستاعانداي بولامىز. سوندىقتان بۇل تۇرعىدا ۇلكەن ءارى اۋقىمدا جۇمىستاردى قولعا الۋ كەرەك دەپ ەسەپتەيمىن.»سۇلتانبەك ماكەجانوۆ, سەنات دەپۋتاتى