Jańalyqtar
Senatorlar sý tasqynymen kúres jumystarymen tanysty
Senator Saǵyndyq Luqpanov Atyraý oblysyndaǵy Mahambet aýdanynda ekinshi tolqynmen kelýi yqtımal tasqyn sýǵa daıyndyq barysymen tanysty. Depýtat sapar barysynda aýdan ortalyǵyndaǵy bóget salý aımaǵynda bolyp, áskerı qyzmetshilermen jáne eriktilermen áńgimelesti.
«Qazir aýdannyń barlyq aýyldarynda tasqyn sý zardabyn boldyrmaý úshin daıyndyq jumystary kúsheıe tústi. Bóget qurylysy qarqyndy júrip jatyr. Alaıda, jergilikti atqarýshy organdar mańyzdy problema boldyrmaý úshin bul máselege kóbirek nazar aýdarýy tıis», — dep senator Luqpanov.
Tasqyn sýǵa qarsy is-qımyl Qaraǵandy oblysynda da jalǵasyn tapty. Depýtat Serik О́teshev tasqyn sýǵa ushyraǵan birqatar aýdandardy aralady. Sý tasqyny saldarynan zardap shekken úılerdiń turǵyndaryna kómek kórsetý, aýmaqtardy abattandyrý, jaryqtandyrý, joldardy jóndeý jáne gaz jetkizý máseleleri halyqpen kezdesýlerde talqylaýdyń basty taqyryby boldy.
«Qaraǵandy oblysynda aýqymdy sý basý qaýpi zor boldy. Sý odan ári ketkendikten aıtarlyqtaı tasqyn sý bolǵan joq. Sýdyń kelýinen zardap shekken turǵyndar qajetti barlyq zattarmen qamtamasyz etilýi tıis. Memleket basshysy jaqynda sóılegen sózinde zardap shekken barlyq azamattarǵa kómek kórsetiletinin atap ótti. Buǵan Úkimet te, depýtattar da járdemdesetin bolady», — dedi senator О́teshev.
Senat depýtaty Janbolat Jórgenbaev Almaty oblysyndaǵy Ile aýdanynda sý qoımasy bógetin qalpyna keltirý jumysymen tanysty. Bóget buzylǵan kezde tıisti sharalar qabyldanǵany atap ótildi. Degenmen, bul másele qaıtadan týyndaýy yqtımal. О́ıtkeni, sý bógeti qurylysy 1910 jyly salynǵan jáne qazir qaıta jańǵyrtýdy qajet etedi. Osy máseleni sheshýdiń tetikteri, sondaı-aq eldi mekenderdegi sý burýdy muqııat zerdeleý jáne júıeleýge baılanysty máseleler talqylandy.
«Qazirgi ýaqytta respýblıkalyq deńgeıde shuǵyl nazar aýdarýdy talap etetin birqatar mańyzdy máseleler bar. Senatorlar óńirlerde bolǵan kezde tótenshe jaǵdaıdyń zardabymen kúreste barynsha kómek kórsetedi. Senatorlar óz kezeginde bolashaqta mundaı tótenshe jaǵdaıdyń aldyn alý úshin zańnamalyq deńgeıde atsalysýǵa daıyn», — dedi senator.
