جاڭالىقتار
«سەندەردى قارعىسقا ۇشىراتام!»: بەكبولات تىلەۋحان عاريفوللا قۇرمانعاليەۆتىڭ نەمەرەسىن قارعاعان
فوتو: اشىق دەرەككوز
فەيسبۋك جەلىسىندە سەرىك حاسەنوۆ ەسىمدى وقىرمان بەكبولات تىلەۋحانوۆ ورىندايتىن «ەلىم مەنىڭ» ءانى تۋرالى توسىن جازبا جاريالادى, دەپ حابارلايدى qandastar.kz Alash.KZ-كە سىلتەمە جاساپ.
حاسەنوۆتىڭ جازۋىنا قاراعاندا, تىلەۋحاننىڭ ءوزىم شىعاردىم دەپ ورىنداپ جۇرگەن «ەلىم مەنىڭ» ءانى قۇرمانعاليەۆتىڭ ءانى كورىنەدى. ءان تۋرالى قۇرمانعاليەۆتىڭ نەمەرەسى, ونەر عىلىمىنىڭ كانديداتى مەرۋەرت ساناتقىزى مالىمدەمە جاساپتى.
«بەكبولاتپەن كونسەرۆاتوريادا بىرگە وقىدىق. ءبىزدىڭ ۇيگە ەمىن-ەركىن كىرىپ, اتامنىڭ ءارحيۆىن اقتارىپ جۇرەتىن. بىراق ءبىز ونىڭ ارام ويى بار ەكەنىن بىلمەدىك. ول سول كەزدە ءاننىڭ نوتاسىن ۇرلاپ الىپ كەتكەن ەكەن. كەيىن جۇبايىم ەكەۋمىز اتامنىڭ مەرەيتويىنا وراي ونىڭ ءارحيۆىن قاراپ وتىرعاندا, وسى انگە كەزىكتىك. جۇبايىم دەرەۋ: «وي, مىناۋ تانىس ءان عوي» — دەدى. قاراساق, بۇگىندە بەكبولات ورىنداپ جۇرگەن «ەلىم مەنىڭ» دەگەن ءان. تۋرا اينا-قاتەسىز. بۇل ءاندى عاريفوللا اتام ەرتەدە شىعارىپ, ورىنداپ, بىراق حالىققا تاراتۋعا مۇمكىنشىلىگى بولماسا كەرەك.
وسىدان كەيىن بەكبولاتقا باردىق. ول ءبىزدى تىڭداماق تۇگىلى, ءتىپتى ماڭايىنا جولاتار ەمەس. ءارى-بەرىدەن سوڭ, مەن سەنى تانىمايمىن دەپ سالدى ماعان. ءتىپتى بولماعاسىن: «سەنىڭ قولىڭدا نە اقشا, نە بيلىك جوق, نە ىستەي الاسىڭ ماعان?!» — دەپ تۋراسىنا كوشتى. ءبىر كەزدە ءوز-وزىنەن دۇعا وقىپ, سەندەردى قارعىسقا ۇشىراتام دەپ, ماعان: «كوزىمە قارا, كوزىمە قارا!» — دەپ ايعايلاي باستادى. وسى ءسوزدى جۇبايىما دا ايتىپ ەدى, ول: «مەن سەنىڭ كوزىڭە قارايتىن ايەل ەمەسپىن, باسىمدى اۋىرتپا» — دەدى.
وسىدان سوڭ ءبىز ونى سوتقا بەرىپ ەدىك, سوت ارىزىمىزدى قابىلدامادى, سەبەبى ول سول كەزدە پارلامەنت دەپۋتاتى ەدى.
ءتىپتى بولماعاسىن مەن قايتا بەكبولاتقا بارىپ: «سەن ءوزىڭ ءبىزدى سوتقا بەرشى وتىرىك جالا جاپتى دەپ, سوت سوسىن اق-قاراسىن ايىرسىن» — دەپ ەدىم, ول ات-تونىن الا قاشتى. ەندى تاعى دا سوتقا بەردىك, بىراق ول شەتەلدە ءجۇر», — دەيدى مەرۋەرت ساناتقىزى.
