“سەندەردى جەك كورەمىن”: جامبىل وبلىسىنىڭ باس پوليتسەيى قىزمەتكەرلەرىن بالاعاتتادى

فوتو: سكرينشوت

جامبىل وبلىسىنىڭ پوليتسيا دەپارتامەنتىنىڭ باستىعى ارمانبەك ءبايمۋرزيننىڭ قىزمەتكەرلەرىنە ۇرىسىپ, بەيادەم ءسوز ايتىپ جاتقان ۆيدەوسى تارادى, دەپ حابارلايدى Azattyq Rýhy.

ۆيدەودا بايقاعانىمىزداي, جينالىس وتكىزىپ وتىرعان ول ۇستەلدى ءبىر قويىپ, قول استىنداعىلاردى بالاعاتتايدى.

«سەندەردى جەك كورەمىن. بۇل جەردەن جوعال», — دەيدى ول.

ايتا كەتەيىك, پوليتسيا گەنەرال-مايورى بايمۋرزين ارمانبەك حاكىمبەك ۇلى 1974 جىلدىڭ 3 ساۋىرىندە كوكشەتاۋ وبلىسىنىڭ ششۋچينسك قالاسىندا تۋعان. ءبىلىمى – جوعارى.

1992 جىلدىڭ تامىز ايىنان 1994 جىلدىڭ قىركۇيەك ايىنا دەيىن- قازاقستان رەسپۋبليكاسى ىشكى ىستەر مينيسترلىگىنىڭ قاراعاندى جوعارى مەكتەبىندە, 1994 جىلدىڭ قىركۇيەك ايىنان 1996 جىلدىڭ قاڭتار ايىنا دەيىن قازاقستان رەسپۋبليكاسى متك-ءنىڭ جوعارعى تەرگەۋ مەكتەبىندە وقىدى, ونى اياقتاعان سوڭ الماتى قالاسىنىڭ اۋەزوۆ اۋدانى بويىنشا متك باسقارماسىنىڭ تەرگەۋ بولىمشەسىنىڭ تەرگەۋشىسى بولىپ قىزمەت اتقاردى.

2022 جىلعى 10 اقپاننان باستاپ قازىرگى ۋاقىتقا دەيىن — جامبىل وبلىسى پوليتسيا دەپارتامەنتىنىڭ باستىعى.

بۇل جاعدايعا قاتىستى Azattyq Rýhy پوليتسيا دەپارتامەنتىنە سۇراۋ جولدايدى.