«Senderge kimge kereksińder»: Abaı teatrynan 9 qyzmetkerdi bir kúnde jumystan shyǵarǵan

Foto: Gatob.kz

Abaı atyndaǵy Qazaq ulttyq opera jáne balet teatry qyzmetkerlerin zańsyz jumystan shyǵaryp jatyr. Sol teatrda kórermenmen jumys jónindegi menedjer Nazerke Ábilqasymova áleýmettik jelide osyndaı dabyl kóterdi, dep habarlaıdy Qaz365.kz.

Qyzmetkerlerdiń janaıqaıy

Nazerkeniń aıtýynsha, teatrdan kirgen adamdy qarsy alyp, baǵyt-baǵdar kórsetip, kórermenge ornyn kórsetetin qyzmetkerler – kapeldınerler. Sonymen birge, kapeldınerler teatrda tazartý jumystaryna jaýapty.

«1 shildege deıin teatrda 9 kapeldıner jumys istegen. Sol kúni búkil teatr eńbek demalysyna ketedi. Biz 1 shildede bárimiz demalysqa shyǵatynymyz jóninde ótinish jazýǵa kelgenbiz. Biraq teatrǵa kirgenimizde bizdi teatrdyń kadr bóliminiń bastyǵy qarsy alyp, beıresmı túrde bizdiń bólim taratylyp ketkenin aıtty. Iaǵnı, bizdi, 9 kapeldınerdi qysqartyp jibergen. Osy jańalyqty estip, ne derimizdi bilmeı qaldyq», – deıdi ol.

Osydan keıin kadr bóliminiń basshysy qyzmetkerlerdiń qysqartylýyn teatrdyń 90 jyldyǵymen baılanystyryp, ol is-sharaǵa el prezıdenti qatysatynyn aıtqan.

«Bizge, kapeldınerlerge bizdiń dırektor Aınur Kópbasarovanyń syrtqy standart boıynsha talabyna saı kelmeıtinimizdi aıtty. Zýhra Nurahmetqyzy (kadr bóliminiń basshysy) bizdi teatrdyń zańgeri Muhıt Tátenovke joldap, shtattyń qysqarǵany jóninde habarlamamen tanystyrmaq boldy. Biz oǵan birneshe ret bardyq. Alaıda ol bizge birdeńeni túsindirýdiń ornyna ózin dóreki ustap, habarlamany kórsetýden bas tartty. Eńbek zańnamasyna sáıkes, jumys berýshi kemi bir aı buryn jumystan bosatatynyn eskertýi kerek», – deıdi ol.

Nazerke Ábilqasymova sonymen birge teatr basshylyǵy osynshalyqty qysqartý bolatynyny qandaı áleýmettik mekemelerge eskertilgeni jóninde habarlamany kórsetpeı otyrǵanyn aıtady. Kapeldınerler bul sheshimmen kelispeıtinin aıtqanda, úlken qysymǵa ushyraǵan. Ábilqasymova kadr bólimi basshysynyń «Oı, voobщe na hren mne vy nýjny» degen sóziniń aýdıosyn da salyp kórsetti. Al teatrdyń esepshisi «qaǵazǵa qol qoımaǵan jaǵdaıda arnaıy bappen jumys shyǵarylatynyn» aıtqan. Kúzetshige teatr basshylyǵy jumystan bosaǵan 9 qyzmetkerdi 1 tamyzdan bastap teatrǵa kirgizbeýdi tapsyrǵan.

Kópbasarova degen kim

Teatr dırektory Aınur Kópbasarovanyń aty birneshe jyl buryn Túrkistan mýzykalyq drama teatryn basqaryp turǵan kezde shyqqan. Kezinde «Bórte» spektaklin sahnalaımyn dep jurtshylyq tarapynan synǵa qalǵan. Ol basqarǵan «Túrkistan mýzykalyq drama teatry» MKQK jalpy somasy 246 mln 750 myń teńge shyǵyndaǵan. Bul jaıly zertteý maqalada Kópbasarovanyń «Bórtege» bólingen qarajattyń esebin ashyp aıta almaǵanyn jazylǵan bolatyn.

Abaı atyndaǵy Ulttyq akademııalyq opera jáne balet teatryn Aınur Kópbasarova osy jyldyń basynan bastap basqarady.