الەم جاڭالىقتارىجاڭالىقتار
سەنساتسيا: مايك تايسون مەن فلويد مەيۆەزەر جەكپە-جەك جاريالادى
الەمدىك بوكس اڭىزدارى سەنساتسيالىق كەزدەسۋگە دايىندالۋدا, دەپ حابارلايدى Qandastar.kz
مايك تايسون مەن فلويد مەيۆەزەر رەسمي تۇردە كورمەلىك جەكپە-جەگىن جاريالادى. كوز ءتۇيىستىرۋ ءراسىمى 2026 جىلدىڭ كوكتەمىندە وتەدى.
حابارلانعانداي, كەلىسىمشارتقا قول قويىلدى. جارنامادا «اڭىزعا قارسى اڭىز. 2026» دەگەن ۇران جازىلعان. شارانىڭ ۇيىمداستىرۋشىسى – CSI Sports/Fight Sports كومپانياسى.
مايك تايسون بۇل جەكپە-جەك بۇكىل الەم ءۇشىن كۇتپەگەن وقيعا بولاتىنىن جانە قارسىلاسىنىڭ دەنساۋلىعىنا اسەر ەتۋى مۇمكىن ەكەنىن اتاپ ءوتتى. ال فلويد مەيۆەزەر جانكۇيەرلەرگە اسەرلى شوۋ سىيلايتىنىن جانە ءوز مۇراسى ارقاشان ساقتالاتىنىن ايتتى.
الداعى كەزدەسۋ كورمەلىك سيپاتقا يە بولادى جانە قوس بوكسشىنىڭ كاسىبي رەكوردتارىنا اسەر ەتپەيدى. جەكپە-جەكتىڭ ناقتى كۇنى, وتەتىن ورنى مەن ەرەجەلەرى كەيىنىرەك جاريالانادى.
