Serbııa prezıdenti mingen ushaq Bakýge shuǵyl qondy

Serbııa prezıdenti Aleksandr Výchıch mingen ushaq Bakýge májbúrli túrde qondy, dep habarlaıdy qandastar.kz

Minval basylymynyń málimetinshe, Máskeýge ushyp bara jatqan Serbııa prezıdentiniń ushaǵy Ýkraına drondarynyń Reseı aımaqtaryna jasaǵan shabýylyna baılanysty Bakýge qondy.

Habarlamada prezıdenttiń ushaǵy áýe keńistigindegi qaýipsizdikke baılanysty Reseı aýmaǵyna qaraı ushýdy jalǵastyra almaǵany aıtylǵan. Shıelenisti eskere otyryp, Máskeýge baǵyttalǵan reıs qaýipsiz emes dep tanylyp, prezıdent delegaııasy Ázerbaıjan astanasy Bakýde qalýǵa májbúr boldy.

Keıinirek RIA agenttigi habarlaǵandaı, Serbııa prezıdentiniń ushaǵyna ushýǵa ruqsat berilip, ol Bakýden Máskeýge qaıta attanǵan.

Skifnews.kzaqparat portaly jazǵandaı,    Výchıch Máskeýge Jeńistiń 80 jyldyǵyna arnalǵan merekelik sharalarǵa qatysý úshin bardy. Serb kóshbasshysy Qyzyl alańdaǵy Jeńis paradyna qatysyp, Reseı prezıdenti Vladımır Pýtınmen kezdespek.

Buǵan deıin Latvııa men Lıtva bıligi Výchıchtiń ushaǵyna ózderiniń áýe keńistigi arqyly ushýǵa tyıym salǵan bolatyn. Al Eýropalyq Odaq úmitker elderdiń jáne múshe memleketterdiń basshylaryn Máskeýge barmaýǵa shaqyrǵan.

Osyǵan jaýap retinde Výchıch Pýtınge Jeńis kúnine Máskeýge kelemin dep ýáde bergenin, sondyqtan mindetti túrde keletinin, biraq úkimet pen armııa ókilderin ertpeıtinin, sebebi olar sankııaǵa ushyrap qalmaýy tıis ekenin aıtqan.