سەرگەەۆ سۋ قويماسى 182%-كە تولىپ تۇر

سولتۇستىك قازاقستان وبلىسىنداعى سەرگەەۆ سۋ قويماسى 182%-كە تولىپ تۇر,

ايماق اكىمىنىڭ ورىنباسارى وسىلاي دەپ مالىمدەدى. قانات دۇزەلباەۆتىڭ ايتۋىنشا, قازىر وڭىردەگى 3 اۋدان مەن پەتروپاۆل قالاسىن سۋ باسۋ قاۋپى بار. بۇگىندە وبلىستاعى سۋ تاسقىنىنا قارسى شارالارعا توتەنشە جاعدايلار مينيسترلىگىنىڭ 170-تەن استام مامانى كەلىپ, بولىسىپ جاتىر. سونداي-اق وندا 27 ارنايى تەحنيكا, 10 ءجۇزۋ قۇرالى جانە 48 موتوپومپا جىبەرىلگەن. قانات دۇزەلباەۆ, سولتۇستىك قازاقستان وبلىسى اكىمىنىڭ ورىنباسارى: — ايماقتاعى احۋال ۇنەمى باقىلاۋدا. 219 ەلدى مەكەندى سۋ باسۋ قاۋپى سەيىلمەي تۇر. بۇگىنگە دەيىن 280 ادام ەۆاكۋاتسيالاندى. قازىر توتەنشە جاعدايلار مينيسترلىگى تاراپىنان 177 مامان مەن بىرقاتار تەحنيكا بىزگە جىبەرىلدى. قولدانىستاعى قۇتقارۋ قۇرالدارىن اۋداندارعا جۇمىلدىردىق.