SERGEEV SÝ QOIMASY 182%-KE TOLYP TUR

Soltústik Qazaqstan oblysyndaǵy Sergeev sý qoımasy 182%-ke tolyp tur,

Aımaq ákiminiń orynbasary osylaı dep málimdedi. Qanat Dúzelbaevtyń aıtýynsha, qazir óńirdegi 3 aýdan men Petropavl qalasyn sý basý qaýpi bar. Búginde oblystaǵy sý tasqynyna qarsy sharalarǵa Tótenshe jaǵdaılar mınıstrliginiń 170-ten astam mamany kelip, bolysyp jatyr. Sondaı-aq onda 27 arnaıy tehnıka, 10 júzý quraly jáne 48 motopompa jiberilgen. Qanat Dúzelbaev, Soltústik Qazaqstan oblysy ákiminiń orynbasary: — Aımaqtaǵy ahýal únemi baqylaýda. 219 eldi mekendi sý basý qaýpi seıilmeı tur. Búginge deıin 280 adam evakýaııalandy. Qazir Tótenshe jaǵdaılar mınıstrligi tarapynan 177 maman men birqatar tehnıka bizge jiberildi. Qoldanystaǵy qutqarý quraldaryn aýdandarǵa jumyldyrdyq.