سەرىك ساپيەۆ جاڭا قىزمەتكە تاعايىندالدى

فوتو: gov.kz

جيىن بارىسىندا كوميسسيا مۇشەلەرى ۇمىتكەرلەردىڭ سالاداعى تاجىريبەسى مەن ءوڭىر سپورتىن دامىتۋعا قاتىستى جوسپارىنا, سونداي-اق سپورت عىلىمىنىڭ نەگىزدەرى مەن مەنەدجمەنتىن مەڭگەرگەندىگى جونىندە سۇراقتار قويدى, دەپ جازدى qandastar.kz

سەرىك ساپيەۆ مەملەكەتتىك قىزمەتكە ورالادى. بۇل تۋرالى استانادا قر تۋريزم جانە سپورت ءمينيسترى ەربول مىرزابوسىنوۆتىڭ توراعالىعىمەن وڭىرلىك سپورت باسقارمالارىنىڭ باسشىسىن تاعايىنداۋ بويىنشا كوميسسيا وتىرىسىندا بەلگىلى بولدى.Zakon.kz مالىمەتىنشە, وتىرىستا قاراعاندى جانە پاۆلودار وبلىستارىنىڭ دەنە شىنىقتىرۋ جانە سپورت باسقارمالارىنىڭ باسشىلىعىنا ۇسىنىلعان ەكى ۇمىتكەردىڭ كانديداتۋراسى قاراستىرىلدى.

اتاپ ايتقاندا, قاراعاندى وبلىستىق دەنە شىنىقتىرۋ جانە سپورت باسقارماسىنىڭ باسشىلىعىنا بوكستان لوندون وليمپياداسىنىڭ چەمپيونى سەرىك ساپيەۆتىڭ,ال پاۆلودار وبلىستىق دەنە شىنىقتىرۋ جانە سپورت باسقارماسىنىڭ باسشىلىعىنا قر تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتى توراعاسىنىڭ ورىنباسارى ازامات يماشەۆتىڭ كانديداتۋراسى ۇسىنىلىپ, كوميسسيا مۇشەلەرى كەلىسىمىن بەردى.

جيىن بارىسىندا كوميسسيا مۇشەلەرى ۇمىتكەرلەردىڭ سالاداعى تاجىريبەسى مەن ءوڭىر سپورتىن دامىتۋعا قاتىستى جوسپارىنا, سونداي-اق سپورت عىلىمىنىڭ نەگىزدەرى مەن مەنەدجمەنتىن مەڭگەرگەندىگى جونىندە سۇراقتار قويدى.