سەرىك ساپيەۆتى ماجبۇرلەپ سوتقا كەلتىرمەك

فوتو: اشىق دەرەككوز

سپورت كوميتەتىنىڭ بۇرىنعى توراعاسى سامات ەرعاليەۆكە قاتىستى قىلمىستىق سوتقا بەلگىلى بوكسشى سەرىك ساپيەۆ كەلگەن جوق. سوت ونى ءماجبۇرلى تۇردە قاتىستىرۋدى قامتاماسىز ەتۋدى تاپسىردى, – دەپ حابارلايدى qandastar.kz

«ساپيەۆكە قاتىستى سوت قر قىلمىستىق ءىس جۇرگىزۋ كودەكسىنىڭ 157-بابىنا سايكەس ونى ماجبۇرلەپ كەلتىرۋ تۋرالى قاۋلى شىعارادى. وعان ەكى رەت حابارلاندى, سوندىقتان سوتقا كەلمەي جاتىر دەۋگە تولىق نەگىز بار. ونىڭ كەلمەۋ سەبەپتەرىنىڭ نەگىزدىلىگى, كەلمەۋىنە كەدەرگى كەلتىرەتىن ءمان-جايلار سوتقا ۇسىنىلماعان. ساپيەۆكە قاتىستى ونى ماجبۇرلەپ قاماۋعا الۋ تۋرالى قاۋلى شىعارىڭىز», – دەدى استانا قالاسىنىڭ اۋدانارالىق قىلمىستىق سوتىنىڭ سۋدياسى.

قازتاگتىڭ جازۋى بويىنشا, سامات ەرعاليەۆ قازاقستان رەسپۋبليكاسى قىلمىستىق كودەكسىنىڭ 361-بابىنىڭ 3-بولىگى بويىنشا قىزمەت بابىن اسىرا پايدالاندى, اتاپ ايتقاندا الىشەر ايمۇحامبەتوۆتى جاتتىقتىرۋشى قىزمەتىنە قابىلداۋ كەزىندە زاڭ بۇزۋشىلىق جاسادى جانە ايمۇحامبەتوۆكە 111 ميلليون تەڭگەدەن كوپ مولشەردە زاڭسىز پايدا كورۋگە ىقپال ەتتى, دەپ ايىپتالۋدا.

ەرعاليەۆتىڭ ادۆوكاتى جاۋاپكەر ايمۇحامبەتوۆتى جۇمىسقا قابىلداۋ كەزىندە قۇجاتتاردى تەكسەرمەگەنىن مويىندادى, بىراق تولەمدەرگە ەشقانداي ىقپال ەتە المايتىنىن, سەبەبى ول اتالمىش تولەمدەر جونىندەگى قۇجاتتارعا قول قويماعانىن جانە ونداي وكىلەتتىگى بولماعانىن ءتۇسىندىردى.

«ايمۇحامبەتوۆتى سدر-گە (سپورتتى دامىتۋ ديرەكتسياسىنا) اعا جاتتىقتىرۋشى قىزمەتىنە قابىلداعاندا ەرعاليەۆ قۇجاتتاردى تەكسەرمەگەنىن انىق ايتا الامىن. ول مويىندايدى – «ءيا, مەن تەكسەرگەن جوقپىن». بىراق بۇل ونىڭ جالاقىسى مەن ءىسساپار شىعىندارىن تولەۋ تۇرىندەگى 2 ميلليوننان ءسال استام سومانى قۇرايتىن شىعىنعا اكەپ سوقتىرعان بولسا, ءبىز ونىڭ بارلىعىن سدر-گە تولەدىك. بىراق قاراڭىزشى, ءتىپتى جابىرلەنۋشىنىڭ وكىلى, سپورت مينيسترلىگى, سدر بۇلاي ىستەي الماس ەدى, وعان زاڭمەن رۇقسات جوق دەپ وتىر. جالاقى تولەنەتىن جاتتىقتىرۋشىلار ءتىزىمىن بەكىتۋگە تەك كوميتەت بۇيرىق شىعارا الادى. سدر مۇنداي وكىلەتتىكتەرگە يە ەمەس.

وتكەن وتىرىستا جابىرلەنۋشى تاراپتىڭ وكىلى ايمۇحامبەتوۆكە 111 ميلليون تەڭگە العىسى كەلگەنى ءۇشىن ەرعاليەۆتى كىنالاي المايتىندارىن, ويتكەنى بۇل مۇمكىن ەمەس ەكەنىن ايتتى. ولار تەك جۇمىسقا ورنالاسۋ كەزىندە قۇجاتتارىن تەكسەرمەگەنى ءۇشىن كىنالاپ وتىر», – دەپ ءتۇسىندىردى ادۆوكات ەرلان ماكەنوۆ.

بۇل رەتتە, كۋاگەر, مۇگەدەكتەرگە ارنالعان سپورتتىق وقۋ ورتالىعىنىڭ سۋردوليمپيادالىق سپورت تۇرلەرىنەن شاحمات بويىنشا باس جاتتىقتىرۋشىسى ماكسيم روجكوۆتىڭ تۇسىنىكتەمەسىنەن ونىڭ جۇبايى ەلەنا پومونارەۆا ەكەۋىنىڭ دە وليمپيادادان كەيىن مەملەكەتتەن تولەماقى العاندارى, سول كەزدەگى ەرعاليەۆتىڭ ورىنباسارى بولعان الەكسەي كريۋچكوۆكە 250 مىڭ دوللار كولەمىندە اقشا بەرگەندەرى بەلگىلى بولدى. بىراق ولار ەرعاليەۆپەن تىكەلەي بايلانىسقا شىقپاعان.

«ولار ونى بەرمەدى, تارتىپ الدى, ماجبۇرلەدى, الىپ كەتتى. (…) ولار مەنى سدر-دەن قۋادى, لەنانى دا جۇمىستان شىعارامىز دەدى. ەشقايدا جۇگىنبەدىك. اقشانى ەلەنا الدى, ول قورىقتى. كريۋچكوۆ اقشانى الىپ كەتتى, كىم ءۇشىن ەكەنىن بىلمەيمىز», – دەدى كۋاگەر سوتتا.

ادۆوكات سونىمەن قاتار روجكوۆتىڭ كۋاگەر راستاعان حاتتاماداعى ايعاقتارىن وقىدى.

«يتاليادا وتكەن ون توعىزىنشى سۋردليمپيادا ويىندارىنان كەلگەننەن كەيىن, شامامەن قاڭتار-اقپان ايلارىندا ايەلىم ەكەۋمىز استاناعا سدر-عا كەلدىك. كريۋچكوۆ سىياقى رەتىندە قوماقتى اقشا الاتىنىمدى ايتىپ, ماعان تيەسىلى سىياقىلاردىڭ ءبىر بولىگىن بەرۋىمدى, ايتپەسە پومونارەۆادان تارتىپ الاتىنىن ايتتى. ايەلىم ەكەۋمىز كەلىستىك, ويتكەنى جۇمىسىمىزدان ايىرىلىپ قالامىز با دەپ قورىقتىق», – دەپ كەلتىردى ادۆوكات روجكوۆتىڭ ءسوزىن.

ادۆوكاتتار كريۋچكوۆ الاياقتىقتىڭ باستى كەيىپكەرى بولعانىنا قاراماستان, بىردە-ءبىر رەت جاۋاپقا تارتىلماعانىنا نازار اۋداردى.

وتىرىستىڭ جالعاسى مەن سەرىك ساپيەۆتەن جاۋاپ الۋ 13 تامىزعا جوسپارلانعان.