مادەنيەت
«سەزىم دەگەن وسىنداي بولۋ كەرەك»: قايرات نۇرتاس پەن جۇلدىز ابدىكارىموۆا اقتاۋدا بىرگە كوزگە ءتۇستى
ۆيدەودان كادر: Instagram/kair_n
وتاندىق تانىمال ءانشى قايرات نۇرتاس جەلىدە كەلىنشەگى جۇلدىز ابدىكارىموۆامەن تۇسكەن ۆيدەوسىن جاريالاپ, ەل نازارىن وزىنە اۋداردى. جۇلدىزدى جۇپ بۇگىندە اقتاۋ قالاسىندا دەمالىپ جاتىر, دەپ جازادى KAZ.NUR.KZ.
قايرات نۇرتاس ايەلىمەن تۇسكەن ۆيدەوسىن Instagram-داعى پاراقشاسىندا ءبولىستى. وندا ەرلى-زايىپتى مەرەكەلىك شارادا بيلەپ جۇرگەنىن كورۋگە بولادى. بەينەجازبادا ءانشى كەلىنشەگىن بەلىنەن قۇشاقتاپ, بەتىنەن ءسۇيىپ الدى. بەلگىلى بولعانداي جۇلدىزدى جۇپ اقتاۋعا بەلگىلى كاسىپكەردىڭ تۋعان كۇنىنە ارنايى ۇشىپ بارعان. مەرەكەلىك كەشتە قايرات پەن جۇلدىز بي بيلەپ, كوڭىلدى ۋاقىت وتكىزگەن.
ايتا كەتەيىك, بۇعان دەيىن قايرات نۇرتاس بەيتانىس ارۋمەن ۆيدەو جاريالاپ, ەلدىڭ قىزۋ تالقىسىنا قالعان ەدى. ونەر يەسى بەلگىسىز بويجەتكەنگە قاتىستى ەشقانداي مالىمدەمە جاساعان جوق.
