فوتو: اشىق دەرەككوز

جىل سايىن تامىزدا الماتىدا پاتەر باعاسى بىرنەشە ەسەگە وسەدى. بيىلعى جاعداي قانداي? Massaget.kz تىلشىسى قازىرگى احۋالعا شولۋ جاساپ, ساراپشىمەن سۇحباتتاستى.

شىلدەنىڭ اياعىندا باعا قانداي ەدى?

باعا قالاي وزگەرەتىنىن انىقتاۋ ماقساتىندا وتكەن ايدا تانىمال سايتتاردىڭ بىرىنە شولۋ جاسادىق. جوعارى وقۋ ورىندارىنا جاقىن نەمەسە جەتۋ وڭاي, قاۋىپسىز شاعىناۋداندارداعى پاتەرلەرگە باسىمدىق بەرىلدى.

ايتا كەتەيىك, باعاسى 60 مىڭ تەڭگەدەن باستالاتىن پاتەرلەر دە تابىلدى. دەگەنمەن مۇنداي پاتەرلەردىڭ جاعدايى تىم ناشار نەمەسە تىم الىستا ورنالاسقان.

ناۋرىزباي, الاتاۋ, تۇركسىب اۋدانىندا ورنالاسقان پاتەرلەر 150 مىڭ تەڭگە شاماسىنا باعالانعان.

قالاداعى بەلدى جوعارى وقۋ ورىندارىنا جاقىن ورنالاسقان ارزان پاتەرلەر بايقالدى, دەگەنمەن بۇرىنعى جاتاقحانالاردا ورنالاسقان. مۇنداي جاعداي اۋەزوۆ اۋدانىنداعى پاتەرلەرگە دە قاتىستى.

الماتىلىق ستۋدەنتتەر كوبىنە بوستاندىق, المالى, اۋەزوۆ اۋداندارىنان پاتەر جالداعاندى قۇپ كورەدى, وعان قوسا بىرنەشە ادام بىرىگىپ جالدايتىنىن ەسكەرگەندە, ادەتتە 2 بولمەلى پاتەرلەر سۇرانىسقا يە. سونىمەن شىلدەدە باعا مىناداي بولدى:

• بوستاندىق اۋدانىندا 180 مىڭ تەڭگە, 200, 210, 220 مىڭ تەڭگە, 480-500 مىڭ تەڭگە اراسىندا وزگەرگەن;
• المالى اۋدانىندا 150, 230-270, 450-500 مىڭ تەڭگە اراسىندا وزگەرگەن;
• اۋەزوۆ اۋدانىندا 170, 230, 495 مىڭ تەڭگە اراسىندا وزگەرگەن.

قازىرگى باعا قانداي?

قازىرگى پاتەر باعالارىنا قاتىستى دا تانىمال سايتقا شولۋ جاسادىق. نەگىزگى كوزدەگەنىمىز – المالى, اۋەزوۆ, بوستاندىق اۋداندارىنداعى پاتەرلەر.

• المالى اۋدانىندا ەڭ ارزان باعا – 65 مىڭ تەڭگە.

پاتەردىڭ اۋدانىن, جاعدايىن ەسكەرگەندە, مۇنداي باعاداعى پاتەرلەر ستۋدەنتتەرگە قولايسىز ەكەنى تۇسىنىكتى.

«وكىنىشكە قاراي, باعا تەك ءوسىپ جاتىر» – ساراپشى

7 جىلدان اسا ۋاقىت تۇرعىن ءۇي سالاسىندا جالعا الۋ, جالعا بەرۋ, جىلجىمايتىن م ۇلىكتى ساتۋ-ساتىپ الۋ قىزمەتتەرىن كورسەتىپ جۇرگەن بىلىكتى مامان شىنار الاشباەۆا الماتىدا قازىر پاتەر باعاسى قانداي ەكەنىن ايتتى.

«وتكەن جىلدارمەن سالىستىرعاندا ايتارلىقتاي ءوستى. باعا ەشقاشان تۇسكەن جوق. تەك جىل سايىن قىمباتتاپ جاتىر. جۇرت باعا تۇسەدى دەپ كۇتەدى, وكىنىشكە قاراي, سۇرانىس تا جوعارى, باعا دا جوعارى. بۇل قالانىڭ اۋداندارىنا دا بايلانىستى. مىسالى, اۋەزوۆ اۋدانىنداعى 1 بولمەلى پاتەرلەر 150 مىڭ تەڭگەدەن باستالىپ 250 مىڭ تەڭگەگە دەيىن جەتەدى. ورتالىقتان, المالى, بوستاندىق, مەدەۋ اۋداندارىنان الاتىن بولساق, 1 بولمەلى پاتەرلەردىڭ باعاسى 200 مىڭ تەڭگەدەن اسادى. كەيدە 450 مىڭ تەڭگە دەيىن جەتەدى. ال شەت اۋدانداردان 120, 130 مىڭ تەڭگەگە تابۋعا بولادى. شەت جاقتاردا ۋاقىتشا ۇيلەر, جاتاقحانا تيپتەس ۇيلەردەن بولمەلەر تابىلادى. ولاردىڭ باعاسى ارزانىراق, 60-80 مىڭ تەڭگە اراسىندا. 2-3 بولمەلى پاتەرلەردىڭ قۇنى دا اۋداندارعا بايلانىستى. ورتاشا 350-400 مىڭ تەڭگەدەن باستالادى. ەڭ قىمبات تۇرعىن ءۇي كەشەندەرىندە باعا 1 ميلليون تەڭگەدەن اسادى», – دەدى ساراپشى.

مامان الماتىدا المالى, بوستاندىق, مەدەۋ اۋداندارى نەگىزىنەن سۇرانىسقا يە ەكەنىن, دەگەنمەن كەيىنگى كەزدە اۋەزوۆ اۋدانى دا بۇل قاتارعا قوسىلىپ كەلە جاتقانىن جەتكىزدى. ويتكەنى اۋدان اۋماعىنان مەترو وتەدى جانە قوعامدىق كولىكتەر جاقسى جۇرەدى.

ساراپشى پاتەر باعاسى وسۋىنە قانداي فاكتورلار اسەر ەتەتىنىن اتادى.

ء«ومىر ءسۇرۋ قۇنى قىمباتتاۋى پاتەر باعاسىنا دا اسەرىن تيگىزبەي قويمايدى. ەڭ ماڭىزدىسى – ينفراقۇرىلىم مەن قوعامدىق كولىكتىڭ جاقىن جەردەن ءجۇرۋى. دۇكەن, وقۋ ورىندارى, مەكتەپتەر, بالاباقشالار جاقىن بولۋىنا بايلانىستى سۇرانىسقا يە ورتالىق اۋدانداردا باعا جوعارى. ءۇيدىڭ جاعدايىنا دا بايلانىستى. شارشى مەترى ۇلكەن, جوندەۋ جۇمىستارى جاقسى جاسالعان بولسا, قىمبات بولادى», – دەپ ءتۇسىندىردى ول.

پاتەر جالدايتىندارعا ماماننان بىرەر كەڭەس:

• قالانىڭ اۋداندارىن, نارىقتى زەرتتەۋ كەرەك;
• قوعامدىق كولىك جاقسى جۇرەتىن اۋدانداردى تاڭداۋ قاجەت;
• جالعا الىناتىن پاتەردىڭ جاعدايىنا, ورنالاسقان جەرىنە نازار اۋدارعان ءجون;
• كۇزدە پاتەر باعاسى وسەتىنىن ەسكەرىڭىز;
• پاتەردى كورمەي, قۇجاتتارىن تەكسەرمەي, اقشا اۋدارماۋ كەرەك;
• كەلىسىمشارتقا, سونىڭ ىشىندە ۇزاق مەرزىمگە كەلىسىمشارتقا وتىرعان دۇرىس.

ايتا كەتەيىك, بۇعان دەيىن عىلىم جانە جوعارى ءبىلىم مينيسترلىگى 104 جوعارى وقۋ ورنىندا 93 367 ورىندىق 264 جاتاقحانا بار ەكەنىن, دەگەنمەن ءالى دە 19 174 ورىن جەتپەيتىنىن مالىمدەگەن ەدى.

ەسكە سالايىق, بىلتىر دا الماتى مەن استاناداعى پاتەر جالداۋ باعاسى تۋرالى ارنايى ماتەريال ازىرلەگەن ەدىك.