جاڭالىقتار
ش. نۇرىشەۆ: شىڭجاڭداعى 1,6 ملن ەتنيكالىق قازاق قازاقستان مەن قىتاي ارىپتەستىگىن نىعايتۋعا ۇلەس قوسىپ وتىر
قازاقستاننىڭ قىتايداعى ەلشىسى شاحرات نۇرىشەۆ قحر ۇلتتار ىستەرى جونىندەگى مەملەكەتتىك كوميتەتى مەن قحر شىڭجاڭ-ۇيعىر اۆتونوميالىق اۋدانى حالىق ۇكىمەتىنىڭ شاقىرۋىمەن قاشعار قالاسىنا (شۇاا) بارىپ, «شىڭجاڭنىڭ تاريحى مەن بولاشاعى» اتتى حالىقارالىق فورۋمعا قاتىستى,-دەپ حابارلايدى Qandastar.kz
ش. نۇرىشەۆ قازاقستان مەن شىڭجاڭ اراسىنداعى سەرپىندى ىنتىماقتاستىققا ەرەكشە نازار اۋدارىپ, شۇاا اۋماعىنداعى 1,6 ملن ەتنيكالىق قازاقتىڭ «التىن كوپىر» رەتىندە قازاقستان مەن قىتاي اراسىنداعى ەكىجاقتى ستراتەگيالىق ارىپتەستىكتى نىعايتۋعا قوسىپ وتىرعان ۇلەسىن اتاپ ءوتتى.
ساپار بارىسىندا قازاقستاندىق دەلەگاتسيا «قاشعار پاركى» ەكونوميكالىق دامۋ ايماعىنا بارىپ, ءوڭىردىڭ ساۋدا-ەكونوميكالىق الەۋەتىمەن جانە شەكارالاس ەلدەرمەن ءجۇرىپ جاتقان ساۋدا جوبالارىمەن تانىسىپ, قازاقستانمەن ىنتىماقتاستىقتى دامىتۋ پەرسپەكتيۆالارىن تالقىلادى.
