جاڭالىقتار
«شاھاردىڭ جوعارعى بولىگىنە ۇيلەر سالىنباسىن»: توقاەۆ الماتى قالاسىنىڭ اكىمىنە تاپسىرما بەردى
فوتو: اقوردا
دارحان ساتىبالدى شاھاردىڭ الەۋمەتتىك-ەكونوميكالىق دامۋ قورىتىندىلارى مەن الداعى جوسپارلارى تۋرالى باياندادى, دەپ حابارلايدى Qandastar.kz
بيىلعى ءبىرىنشى جارتىجىلدىقتا قىسقامەرزىمدى ەكونوميكالىق ينديكاتور 11 پايىزعا وسكەن. نەگىزگى كاپيتالعا سالىنعان ينۆەستيتسيا كولەمى 25,4 پايىزعا ارتتى.
قالانىڭ ورتالىق بولىگىنە تۇسەتىن جۇكتەمەنى ازايتۋعا, ينفراقۇرىلىمدى تەڭگەرىمدى بولۋگە جانە قالادا جايلى ورتا قالىپتاستىرۋعا باعىتتالعان پوليتسەنتريستىك دامۋ بارىسى جونىندە مالىمەت بەردى.
اۋداندار اراسىنداعى ءتيىمدى بايلانىس پەن قوعامدىق كولىك قىزمەتىن جاقسارتاتىن ترانسپورت جۇيەسىن قۇرۋ ماسەلەسىنە ەرەكشە نازار اۋدارىلدى.
قاسىم-جومارت توقاەۆ شاھاردىڭ جوعارعى بولىگىندە كوپپاتەرلى تۇرعىن ۇيلەر سالۋعا جانە اۋماقتى تارىلتاتىن قۇرىلىس جۇرگىزۋگە موراتوري ەنگىزۋدى تاپسىردى. بۇل شەكتەۋ باس جوسپاردا قاراستىرىلعان الەۋمەتتىك نىساندار مەن تۋريستىك كلاستەر جوبالارىنا قاتىستى ەمەس. باس جوسپارعا تابيعي ورتانى قورعاۋدى كۇشەيتۋگە, قالانى جۇيەلى دامىتۋعا جانە تاۋ بوكتەرىندەگى قۇرىلىستىڭ الدىن الۋعا ارنالعان وزگەرىستەردى ۋاقىت وزدىرماي ەنگىزۋ مىندەتىن جۇكتەدى.
