Shahtada qaza tapqan kenshilerdiń aty-jóni jarııalandy

Komıssııa jazataıym oqıǵanyń sebepterin anyqtaıtyn bolady

Shyǵys Qazaqstan oblysyndaǵy shahtada qaza bolǵan kenshilerdiń aty-jóni jarııalandy, dep habarlady QR Eńbek jáne halyqty áleýmettik qorǵaý mınıstrligi.Málimet boıynsha, 4 adam qaza tapqan toptyq jazataıym oqıǵany tekserý úshin arnaıy komıssııa quryldy.

«Komıssııany Shyǵys Qazaqstan oblysynyń bas memlekettik eńbek ınspektory Batyrbek Qızatov basqarady, onyń quramyna QR TJM О́nerkásiptik qaýipsizdik komıteti men QR DSM Sanıtarlyq-epıdemıologııalyq baqylaý komıtetiniń aýmaqtyq departamentteriniń, jumys berýshiler men jumyskerlerdiń ókilderi kirdi.

Eńbekmıniniń ujymy qaza tapqandardyń týystary men jaqyndaryna qaıǵyryp kóńil aıtady», – delingen habarlamada.

Jazataıym oqıǵa osy jyldyń 31 tamyzynda bolǵan. Saǵat 16.25-te Shyǵys Qazaqstan oblysy Altaı kentinde, «Vostokvetmet» JShS Ertis kenishiniń «Ertis» shahtasynda aýysym kezinde belgisiz zatpen ýlaný belgileri bar 4 jumyskerdiń denesi tabyldy.

«Vostokvetmet» JShS eki qyzmetkeri:

uńǵymashy A. B. Baqytov, 1894 j. t.; uńǵymashy A. B. Keńesbaev, 1989 j. t.«Shahtstroı Injınırıng» JShS merdiger uıymynyń eki qyzmetkeri:

uńǵymashy A. T. Jaırǵazın, 1978 j. t.; uńǵymashy A. K. Qusaıynov, 1983 j. t.«Vostokvetmet» JShS-niń taǵy bir jumyskeri, uńǵymashy A.K. Qambarov aýrýhanaǵa jatqyzyldy.

Komıssııa jazataıym oqıǵanyń sebepterin anyqtaıtyn bolady.