جاڭالىقتار
شاحتينسكىدە سارباز اسىلىپ ءولدى: ۇلتتىق ۇلان ءسۋيتسيدتىڭ سەبەبىن اتادى
فوتو: اشىق دەرەككوز
شاحتينسك قالاسىنداعى كوپقاباتتى ۇيلەردىڭ بىرىنەن ۇلتتىق ۇلانعا قاراستى «ورتالىق» 6505 رگك اسكەري ءبولىمىنىڭ كەلىسىمشارت بويىنشا جۇمىس ىستەپ جۇرگەن اسكەري قىزمەتشىنىڭ ءمايىتى تابىلدى, دەپ حابارلايدى qandastar.kz.
ول بەلبەۋىنە ىلىنگەن كۇيدە تابىلدى. قر ۇلتتىق ۇلانى «ورتالىق» رقك ءباسپاسوز قىزمەتى بولعان وقيعاعا قاتىستى تۇسىنىكتەمە بەردى.
«اسكەري قىزمەتشىنىڭ ءمايىتى جۇمىستان تىس ۋاقىتتا, تۇرعىلىقتى جەرىندەگى پاتەرىنەن تابىلدى. الدىن الا مالىمەت بويىنشا اسكەري قىزمەتشى وتباسىنداعى جانجال سالدارىنان ءوز-وزىنە قول جۇمساعان. قازاقستان رەسپۋبليكاسى ۇلتتىق ۇلانىنىڭ «ورتالىق» رمك قولباسشىلىعى اسكەري قىزمەتشىنىڭ وتباسى مەن تۋعان-تۋىستارىنا قايعىسىنا ورتاقتاسىپ, كوڭىل ايتادى», – دەلىنگەن حابارلامادا.
اتالعان فاكتىگە بايلانىستى قىلمىستىق ءىس قوزعالدى. سەبەپتەر مەن ءمان-جايى انىقتالۋدا.
