شالاقازاق تىلىنە بويكوت جاريالايمىن! – جانار بايسەمىز

«شەتەلدەگى قازاق بالالارى» جوباسىنىڭ اۆتورى, جۋرناليست جانار بايسەمىز قوعامدا ادامداردىڭ قازاقشا-ورىسشا ارالاستىرىپ سويلەۋىنە قارسى شىقتى, دەپ حابارلايدى Skifnews.kz  qandastar.kz   اقپارات پورتالىنا سىلتەمە جاساپ.

ول ءتىپتى, «شالاقازاق» تىلىنە بويكوت جاريالادى.

«ورىسشا سوزدەر كۇندەلىكتى سويلەۋ تىلىمىزگە اينالعانى سونشالىق, ءتىپتى, ءبىز بايقاماي ورىسشا ارالاستىرىپ ايتا بەرەتىن بولعانبىز. بۇرىن بۇعان اسا ءمان بەرمەيتىنمىن. قازىر بۇل ماسەلە جۇرەگىمدى اۋىرتاتىن بولدى.

ءتىلدى تازالاۋ ءۇشىن نە ىستەۋىمىز قاجەت? اركىم وزىنەن باستاي الا ما?!

قۇلدىق سانادان ارىلاتىن كەز قاشان تۋادى?! ءسىز, كۇندەلىكتى ومىردە قانداي ورىسشانى انا تىلىنە ارالاستىراسىز? ءاپ-ادەمى انا ءتىلىمىزدىڭ شۇبارلانۋىنا كىم كىنالى?!

P.S. ەسكەرتۋ! بۇل اققۇلاقتاردىڭ تىلىنە قارسىلىق ەمەس. نە تازا ورىسشا نەمەسە تازا قازاقشا سويلەيىك», – دەپ جازدى ول الەۋمەتتىك جەلىدەگى پاراقشاسىندا.