«Shampýrdy suǵyp óltirgen»: Mektep túlegi kóz jumǵan jerde ne bolyp jatyr

Almaty oblysy Qarasaı aýdanyna qarasty Qyrǵaýyldy aýylyndaǵy orta mekteptiń túlegi synyptasynyń qolynan qaza tapqanyn buǵan deıin habarlaǵan edik. Oqıǵa bolǵan jerge Sputnik Qazaqstan tilshisi baryp, mán-jaıdy bilip qaıtty, dep habarlaıdy Qandasta.kz. 

Qaıǵyly oqıǵa 24 mamyrǵa qaraǵan túni bolǵan. Oqýshylar jalǵa alǵan kottedjdiń esigine mór basylǵan, kirýge ruqsat joq.

Sputnik Qazaqstan tilshisi kórshilerden mán-jaıdy surady. Aıtýlarynsha bul demalys orny eks-prokýrordyń menshigi.

Turǵyndar kúzeti joq saıajaıda bir kúni janjal bolatyny anyq edi dep otyr.

«Tańǵy saǵat beste jumysqa shyǵyp edim, 7-8 polıııa kóligi tur eken. Ne boldy dep surap edim, adam óldi dedi. Saıajaıdy jalǵa bergen soń ony kúzetý kerek, demalýshylardyń qaýipsizdigine nazar aýdarý kerek. Bul jerge kim kelip, kim ketpeı jatyr», — deıdi Sholpan esimdi kórshi.

Eske sala keteıik, orta mekteptiń 11-synyp oqýshylary mektep bitirý keshin atap ótpek bolyp, Qyrǵaýyldy aýylynyń mańyndaǵy «Dolan hills» kottedjin jalǵa alǵan. Kóńildi keshten ata-analarynyń vatsap chatyna fotolar jiberip, jaǵdaıdan habardar etip turǵan. Alaıda eki oqýshy arasynda janjal shyǵyp, biri ekinshisine káýap pisiretin shampýrdy suǵyp alǵan. Oqýshy oqıǵa ornynda kóz jumdy.

Eki oqýshynyń da ata-anasy qarapaıym eńbek adamdary eken. Polıııa synyptasyn óltirdi degen kúdikke ilingen bozbalany oqıǵa ornynda ustady.

«Adam óltirý faktisi boıynsha sotqa deıingi tergeý amaldary bastaldy. Kúdikti dep tanylǵan jábirlenýshiniń synyptasy ýaqytsha ustaý ızolıatoryna qamaldy. Kámeletke tolmaǵan balanyń zańdy ókilderi balalardy tárbıeleý jónindegi mindetterin tıisinshe oryndamaǵany úshin ákimshilik jaýapkershilikke tartyldy», — deıdi oblystyq polıııa departamenti.

Bilim basqarmasyna usynys engizilgen.

«Bul úıdi ylǵı jalǵa beredi. Baǵasy bir táýlikke shamamen 100-120 myń teńge. Saıajaıdyń ıesi buryn qala prokýrory bolǵan, qazir zeınetker. Bir bul emes, osy kósheniń boıyndaǵy talaı úıdi satyp alǵan», — deıdi saıajaı mańyndaǵy kórshiler