الەم جاڭالىقتارىجاڭالىقتار
شارم-ەل-شەيح اۋەجايىندا قازا تاپقان ايەلدىڭ كىم ەكەنى بەلگىلى بولدى
فوتو: كازتاگ
ەگيپەتتىڭ شارم-ەل-شەيح اۋەجايىندا قازا تاپقان Scat اۋەكومپانياسىنىڭ جولاۋشىنىڭ ەسىمى بەلگىلى بولدى, دەپ جازدى
بۇل تۋرالى Stan.kz اقپارات اگەنتتىگى كازتاگ سايتىنا سىلتەمە جاساپ حابارلايدى.
شارم-ەل-شەيح اۋەجايىندا قازا تاپقان تۇرعىن قازاقستاننىڭ ىشكى ىستەر ورگاندارىنىڭ ارداگەرى اقمارال مۇقانوۆا بولىپ شىقتى.
«اقمارال اپا, بۇعان سەنە الار ەمەسپىن! قالاي?! بۇگىن ەگيپەتتە انامنىڭ جاقىن دوسى, مەنىڭ كىندىك شەشەم ومىردەن وزدى. وقيعانى جاڭالىقتاردان بىلەسىزدەر», – دەپ حابارلادى جۋرناليست ءانۋار شالەكەنوۆ.
ول مۇقانوۆانىڭ ۇزاق جىلدار ىشكى ىستەر ورگاندارىندا جۇمىس ىستەگەنىن, زەينەتكەرلىككە شىققاننان كەيىن استانادا تۇرعانىن ايتتى.
«ول مەيىرىمدى جان ەدى», – دەپ اتاپ ءوتتى شالەكەنوۆ.
ەسكە سالايىق, ەگيپەتتىڭ شارم-ەل-شەيح قالاسىنىڭ اۋەجايىندا ءۇش قازاقستاندىقتىڭ ۇستىنە جارناما تاقتاسى قۇلاپ كەتكەن ەدى. وقيعا استانا باعىتىنداعى رەيسكە وتىرعىزۋ كەزىندە بولعان. سالدارىنان قازاقستاندىق ايەل كوز جۇمدى.
