جاڭالىقتار
«شارشاعان ايەلدى كورىپ تۇرمىن»: اكىم نۇرداۋلەت قيلىباي وتباسىلىق فوتوسى ءۇشىن سىنعا قالدى
ماڭعىستاۋ وبلىسىنىڭ اكىمى نۇرداۋلەت قيلىباي الەۋمەتتىك جەلىدە ايەلىنە قۇشاقتاسىپ تۇسكەن فوتوسى ءۇشىن سىنعا قالدى, دەپ حابارلايدى Qandastar.kz Skifnews.kz اقپارات پورتالىنا سىلتەمە جاساپ.
وتباسىلىق دەمالىستا تۇسكەن سۋرەتتىڭ استىنا جۇزدەگەن پىكىر جازىلىپ, كوپشىلىك شەنەۋنىكتى دە, جۇبايىن دا تالقىعا سالدى.
جەلى قولدانۋشىلارىنىڭ ءبىر بولىگى اكىمنىڭ وتباسىنا ءتيىسۋدى ورىنسىز دەپ ساناسا, ەندى بىرەۋلەرى ونىڭ جەكە ءومىرىن اڭگىمە ەتىپ, ايەلىن سىناعان.
«مەن شارشاعان ايەلدى كورىپ تۇرمىن», – دەپ جازدى ءبىر وقىرمان.
تاعى ءبىرى: «ءوز ايەلىن قادىرلەمەگەن باسقانى قادىرلەي مە?» – دەپ پىكىر قالدىردى. كەيبىرى اكىمنىڭ وتباسىلىق سۋرەتىن «ايەلىنە ادالدىقتىڭ كورىنىسى» دەپ باعالاسا, ەندى ءبىر توپ «قوعام قايراتكەرلەرىنىڭ ءار ءىسى جۇرت نازارىندا بولعاندىقتان, مۇنداي فوتولارعا اباي بولۋ كەرەك» دەگەن وي ايتتى.
قاراپايىم فوتوعا قاتىستى قىزۋ تالقىلاۋ قوعامدا تاعى ءبىر رەت شەنەۋنىكتەردىڭ جەكە ءومىرى مەن وتباسى ماسەلەسىنىڭ قانشالىقتى جۇرت نازارىندا ەكەنىن كورسەتتى.
