«Sharshaǵanyn aıtyp, demalýǵa ketken»: Aqmola oblysynda jetinshi balasyna júkti bolǵan 34 jastaǵy kelinshek qaıtys boldy

Foto: freepik

Aqmola oblysynyń Bestóbe aýylynda jetinshi balasyna júkti bolǵan 34 jastaǵy kelinshek jedel járdem kelgenshe qaıtys boldy. Bul týraly Stan.kz aqparat agenttigi habarlaıdy.

Qaıǵyly oqıǵa 18 qazan kúni keshke bolǵan. Áıel úıde otbasymen birge bolǵan. Keshki ýaqytta ózin nashar sezinip, sharshaǵanyn aıtyp, demalýǵa bel býǵan. Degenmen týystary ony óli kúıinde tapqan. Kelinshek júktiliktiń 34 aptasynda júrgen.

Jedel járdem dárigerleri aqmolalyq áıeldiń olar kelgenshe qaıtys bolǵanyn rastady. О́limniń aldyn ala sebebi – jedel júrek jetispeýshiligi. Zorlyq-zombylyqtyń izi tabylmady.

Polıeıler Bestóbe turǵynynyń ólimine qatysty sotqa deıingi tergeý bastalǵanyn, saraptamalar men tergeý amaldary júrgizilip jatqanyn habarlady. Qylmystyq kodekstiń babyna sáıkes, ózge málimetter jarııa etýge jatpaıdy.

Aıta keteıik, buǵan deıin Shyǵys Qazaqstan oblysy Katonqaraǵaı aýdanynyń prokýratýrasy júktilik týraly jalǵan anyqtamany qoldan jasaý faktisin anyqtaǵan edi.