Jańalyqtar
Sharýalardy qarjylandyrý sharalaryn barynsha jeńildetý qajet – Serik Jumanǵarın
![](https://qandastar.kz/wp-content/uploads/2024/06/IMG_6651-580x405.jpeg)
Aýyl sharýashylyǵy vıe-mınıstri Erbol Tasjúrekovtiń aıtýynsha, búginde «Agrarlyq nesıe korporaııasy» AQ, «Qazaqstannyń Damý banki» AQ jáne Halyk bank-pen birlesip 444,5 mlrd teńge somasyna jeńildetilgen qarjy berý úshin AО́K salasyndaǵy 90 jobadan turatyn pýl qalyptastyryldy. Bul et, sút, astyq óńdeý, jylyjaı sharýashylyǵyn damytý sııaqty memleket úshin basym baǵyttar boıynsha óndiris kólemin arttyrýǵa múmkindik beretin jobalar. ANK-te nesıe somasy 81,2 mlrd teńgege 43 joba, QDB-da 285 mlrd teńgege 14 joba, Halyk bank-te 78,3 mlrd teńgege 33 joba bar.
Alaıda qarjylandyrýdyń belsendi qarqyny kezinde nesıe alý úshin kepildiń bolmaýy sharýalar úshin aıtarlyqtaı kedergi bolyp otyr.
«Biz «Damý» kásipkerlikti damytý qory men Qazaqstannyń eksporttyq nesıe agenttigine kepildik berý múmkindikterin qarastyrý úshin jobalar tizimin jiberdik. Kepildik jetkiliksiz bolǵan jaǵdaıda «Damý» qory fermerlerdiń ANK jáne ekinshi deńgeıli bankterdegi nesıeleriniń 85%-yna deıin kepilger bolady. Al ENA óńdeýshi sektordaǵy eksporttaýshy kásiporyndarǵa saqtandyrý boıynsha qoldaý kórsetedi. «Damý» kepildeme quraly fermerlerge jeńildetilgen mólsherleme boıynsha nesıe alýǵa aıtarlyqtaı yqpal etedi. Alaıda «Damýdaǵy» qujattyq qaıshylyqtar men ENA-daǵy joǵary tarıfterge baılanysty fermerlerge nesıe berýdi qıyndatatyn kedergiler týyndaıdy», — dep atap ótti Erbol Tasjúrekov.
Vıe-premer de sharýalardyń qarjylandyrýǵa qol jetkizýin barynsha jeńildetý qajettiligi týraly málimdedi.
«Biz sharýalardyń qarjylandyrýǵa qoljetimdiligin barynsha jeńildetýimiz kerek. Úkimet sharýalardyń kóktemgi dala jumystaryna qarjyny Aýylsharýashylyq kooperatıvi arqyly alýǵa múmkindik beretin sharalardy qazirdiń ózinde qolǵa alyp jatyr. Sondyqtan endi sharýalarǵa qolaıly, qarjy ınstıtýttary úshin qaýipsiz tetikterdi birlesip ázirleýimiz kerek. Eksporttyq nesıe agenttigi aýyl sharýashylyǵynyń basym jobalary úshin tarıfterdi tómendetý múmkindigin qarastyrýy qajet. Al Aýyl sharýashylyǵy mınıstrligi «Báıterek» holdıngimen birlesip, agroónerkásip keshenindegi ınvestıııalyq jobalarǵa kepildik berý baǵdarlamasy boıynsha qarajat bólýdiń nusqalaryn ázirlesin», — dep túıindedi jıyndy Serik Jumanǵarın.