الەم جاڭالىقتارى
شاشى ۇزىن جىگىت: 17 جاستاعى امەريكالىق گيننەسس رەكوردتار كىتابى ەندى
فوتو: www.guinnessworldrecords.com
17 جاستاعى امەريكالىق رۋبەن لۋكس تۆايس شاشى ەڭ ۇزىن ءجاسوسپىرىم رەتىندە گيننەسس رەكوردتار كىتابىنا ەندى. بۇل تۋرالى كىتاپتىڭ رەسمي سايتىندا حابارلانادى.
ونىڭ شاشىنىڭ ۇزىندىعى – 161 سانتيمەتر. ول 2 جاستان باستاپ شاشىن قيماعان. سەبەبى ول شاش الاتىن قۇرىلعىدان شىعاتىن دىبىستان قورىققان. كەيىن ەسەيگەن سوڭ شاشىن مۇلدە قيماۋعا بەكىنگەن. بۇعان سەبەپ – ءوزى تارايتىن تايپانىڭ داستۇرىندە, جەرگىلىكتى حالىق اراسىندا ۇزىن شاشتىڭ ماڭىزى زور.
رەكوردتىڭ دۇرىس-بۇرىسىن انىقتاۋ ءۇشىن گيننەسس رەكوردتار كىتابىنىڭ وكىلدەرى ونى شاشتارازعا ەرتىپ كەلىپ, شاشىن ۇستەلگە جايىپ, ولشەدى. 161 سانتيمەتر. ناتيجەسىندە ول الەم بويىنشا شاشى ەڭ ۇزىن ءجاسوسپىرىم رەتىندە رەكوردسمەن اتاندى.
