Jańalyqtar
Shavhat Rahmonovtyń áıeli jol apatyna ushyrady: qaza tapqandar bar

MMA jaýyngeri, UFC-degi alǵashqy qazaqstandyq sportshy Shavhat Rahmonovtyń jubaıy tizgindegen kólik jol apatyna ushyrap, saldarynan eki jolaýshy qaza tapty, dep habarlaıdy Qandastar.kz
Jol apaty Jambyl oblysynyń Moıynqum aýdanyndaǵy tasjol boıynda bolǵan.
Belgili bolǵandaı, Gúlaıym Rahmonova uly jáne qurbylarymen Qaraǵandydan Almatyǵa bara jatqan.
Sportshynyń jary tizgindegen Toyota Land Cruiser kóligi Almaty-Ekaterınbýrg tasjolynyń 296 shaqyrymynda, Aqsúıek aýylynyń mańynda aýdarylǵan. Aldyn ala derekterge sáıkes, áıel róldi basqara almaı qalǵan.
Jol apaty saldarynan oqıǵa ornynda 39 jastaǵy jolaýshy kóz jumdy. 35 jastaǵy ekinshi jolaýshy Moıynqum aýdandyq aýrýhanasyna bara jatqan jolda qaıtys boldy.
Rahmonova men onyń 2022 jyly dúnıege kelgen uly Shý qalalyq aýrýhanasyna jetkizilip, travmatologııa bólimshesine jatqyzylǵan. Dárigerler olardyń jaǵdaıyn ortasha dep baǵalap otyr.
Ota jasaý qajet etilmeıdi. Olar dárigerlerdiń baqylaýynda, — dedi aýrýhanadan.
Polıııa eki jáne odan kóp adamnyń ólimine ákelgen jol qozǵalysy erejelerin buzý baby boıynsha sotqa deıingi tekserýdi bastady. Basqa aqparat tergeý múddesine baılanysty jarııa etilmeıdi.