Sheneýnik 279 mln teńge bıýdjet qarjysyn jymqyrǵan

Foto: ashyq derekkóz

Qyzylorda oblystyq soty «Qyzylorda» Magıstraldyq gaz qubyrlary basqarmasynyń burynǵy basshysynyń orynbasaryna úkim shyǵardy. Ol qyzmettik ókilettigin paıdalanyp, aldaý arqyly 279 mln teńgeden astam qarjyny jymqyrǵany úshin kináli dep tanyldy, dep jazady qandastar.kz

Bas kólik prokýratýrasynyń aqparatynsha, sottalǵan azamat eki jyl boıy «OrdaGlass LTD» jáne «HH&B Holding» JShS merdigerlik uıymdarymen qymbat baǵamen kelisim-sharttar jasasqan. Ol merdigerlerdi jańylystyryp, qarjynyń kóp bóligi qurylys- montaj jumystaryna jumsalǵanyn, sondaı-aq qurylys materıaldarynyń baǵasy aıtarlyqtaı óskenin málimdegen.

Bas kólik prokýratýranyń memlekettik aıyptaýshysy sotta onyń kinásin dáleldedi.

Sotalýshy 6 jylǵa bas bostandyǵynan aıyrylyp, memlekettik qyzmette jáne kvazımemlekettik sektorda laýazym atqarý quqyǵynan ómir boıyna aıyryldy.

Sot úkimi zańdy kúshine endi.