Sheneýnikter ákimdik ǵımaratynda tóbeles shyǵaryp, jazaǵa tartyldy

Foto: ashyq derekkóz

Aqmola oblysy Shortandy aýdany ákiminiń orynbasary men apparat basshysy arasynda janjal shyǵyp, sońy tóbeleske ulasty, dep habarlaıdy Skifnews.kz aqparat portaly.

2024 jyldyń mamyr aıynda memlekettik qyzmetkerler jumys ornyndaǵy ákimdik ǵımaratynda aýyzsha janjaldasyp, sońynda tóbeles shyǵarǵan. Sarapshynyń qorytyndysyna sáıkes olar bir-biriniń densaýlyǵyna jeńil zııan keltirgen.

«Sot sheshimimen aýdan ákiminiń orynbasary «A. jáne apparat basshysy «B.» baptyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanyldy. ÁQBtK-niń 73-1 (Densaýlyqqa qasaqana jeńil zııan keltirý) boıynsha jáne árqaısysyna 55 380 teńge kóleminde aıyppul túrindegi ákimshilik jazalar qoldanyldy», – delingen habarlamada.

Sot qaýlylary zańdy kúshine engen joq.