شەنەۋنىكتەر كاسىپكەردەن 10 ملن تەڭگە پارا العان

شەنەۋنىكتەر كاسىپكەردەن 10 ملن تەڭگە پارا العان, دەپ جازدى qandastar.kz

تايىنشا اۋدانىنىڭ اكىم ورىنباسارى مەن تۇرعىن ءۇي-كوممۋنالدىق شارۋاشىلىق ءبولىمى باسشىسىنىڭ جولداردى جوندەۋ بويىنشا ورىندالعان جۇمىس اكتىلەرىنە كەدەرگىسىز قول قويۋ ءۇشىن كاسىپكەردەن 10 ملن تەڭگە پارا العانى انىقتالدى. باس پروكۋراتۋرانىڭ مالىمەتىنشە, جاۋاپقا تارتىلعان ءۇش ادام ءوز كىناسىن مويىنداماعان. كىنالى تۇلعالار 3 جىل 6 ايدان باستاپ, 7,5 جىلعا دەيىن باس بوستاندىعىنان ايىرىلدى. ولارعا ءومىر بويىنا مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە جۇمىس ىستەۋگە تىيىم سالىندى. سوتتالعاندار جازاسىن ورتاشا قاۋىپسىزدىكتەگى قىلمىستىق-اتقارۋ جۇيەلەرى مەكەمەلەرىندە وتەيتىن بولادى. ۇكىم زاڭدى كۇشىنە ەندى.