Jańalyqtar
Sheneýnikter kásipkerden 10 mln teńge para alǵan

Sheneýnikter kásipkerden 10 mln teńge para alǵan, dep jazdy qandastar.kz
Taıynsha aýdanynyń ákim orynbasary men turǵyn úı-kommýnaldyq sharýashylyq bólimi basshysynyń joldardy jóndeý boıynsha oryndalǵan jumys aktilerine kedergisiz qol qoıý úshin kásipkerden 10 mln teńge para alǵany anyqtaldy. Bas prokýratýranyń málimetinshe, jaýapqa tartylǵan úsh adam óz kinásin moıyndamaǵan. Kináli tulǵalar 3 jyl 6 aıdan bastap, 7,5 jylǵa deıin bas bostandyǵynan aıyryldy. Olarǵa ómir boıyna memlekettik qyzmette jáne kvazımemlekettik sektor sýbektilerinde jumys isteýge tyıym salyndy. Sottalǵandar jazasyn ortasha qaýipsizdiktegi qylmystyq-atqarý júıeleri mekemelerinde óteıtin bolady. Úkim zańdy kúshine endi.