جاڭالىقتار
شەنەۋنىكتەر كونكۋرس جەڭىمپازىمەن مەملەكەتتىك ساتىپ الۋ كەلىسىمشارتىن جاساسۋدان باس تارتقان
جەتىسۋ وبلىسىنىڭ پروكۋرورلارى مەملەكەتتىك ساتىپ الۋ سالاسىنداعى بۇزۋشىلىقتار ءۇشىن لاۋازىمدى تۇلعالاردى جاۋاپكەرشىلىككە تارتتى, دەپ حابارلايدى qandastar.kz
قاراتال اۋدانى اكىمدىگىنىڭ تۇرعىن ءۇي – كوممۋنالدىق شارۋاشىلىق ءبولىمىنىڭ باسشىسى سۋمەن جابدىقتاۋ جەلىلەرىن سالۋعا جاريالانعان كونكۋرس جەڭىمپازىمەن 100 ميلليون تەڭگەدەن استام سوماعا كەلىسىمشارت جاساسۋدان نەگىزسىز باس تارتقان.
سونىمەن قاتار ول قايتادان ساتىپ الۋ ءراسىمىن وتكىزىپ, بۇل جولى باسقا قاتىسۋشىمەن كەلىسىمشارت جاساعان.
تاعى ءبىر جاعدايدا مەردىگەر تەحنيكالىق تالاپتارعا ساي كەلمەيتىن تاۋارلاردى جەتكىزگەن, الايدا وسىعان قاراماستان اۋداندىق تكش ءبولىمى ول تاۋارلاردى قابىلداپ العان.
turkystan.kz جازعانداي, بولىم باسشىسى مەملەكەتتىك ساتىپ الۋ سالاسىنداعى زاڭبۇزۋشىلىقتار ءۇشىن اكىمشىلىك جاۋاپكەرشىلىككە تارتىلىپ, وعان 130 اەك (511 160 تەڭگە) مولشەرىندە ايىپپۇل سالىندى.
پروكۋراتۋرا شارا قابىلداعاننان كەيىن مەملەكەتتىك قىزمەت بەدەلىن تۇسىرەتىن جاعدايلار بويىنشا كونكۋرس كوميسسياسىنىڭ باسقا دا مۇشەلەرى تارتىپتىك جاۋاپكەرشىلىككە تارتىلدى, ەكى باسشى مەن ءتورت مامانعا قىزمەتىنە تولىق ساي ەمەستىگى تۋرالى ەسكەرتۋ جاسالدى.
