Sheneýnikter konkýrs jeńimpazymen memlekettik satyp alý kelisimshartyn jasasýdan bas tartqan

Jetisý oblysynyń prokýrorlary memlekettik satyp alý salasyndaǵy buzýshylyqtar úshin laýazymdy tulǵalardy jaýapkershilikke tartty, dep habarlaıdy qandastar.kz

Qaratal aýdany ákimdiginiń Turǵyn úı – kommýnaldyq sharýashylyq bóliminiń basshysy sýmen jabdyqtaý jelilerin salýǵa jarııalanǵan konkýrs jeńimpazymen 100 mıllıon teńgeden astam somaǵa kelisimshart jasasýdan negizsiz bas tartqan.

Sonymen qatar ol qaıtadan satyp alý rásimin ótkizip, bul joly basqa qatysýshymen kelisimshart jasaǵan.

Taǵy bir jaǵdaıda merdiger tehnıkalyq talaptarǵa saı kelmeıtin taýarlardy jetkizgen, alaıda osyǵan qaramastan aýdandyq TKSh bólimi ol taýarlardy qabyldap alǵan.

turkystan.kz jazǵandaı,   Bólim basshysy memlekettik satyp alý salasyndaǵy zańbuzýshylyqtar úshin ákimshilik jaýapkershilikke tartylyp, oǵan 130 AEK (511 160 teńge) mólsherinde aıyppul salyndy.

Prokýratýra shara qabyldaǵannan keıin memlekettik qyzmet bedelin túsiretin jaǵdaılar boıynsha konkýrs komıssııasynyń basqa da músheleri tártiptik jaýapkershilikke tartyldy, eki basshy men tórt mamanǵa qyzmetine tolyq saı emestigi týraly eskertý jasaldy.