Sheneýnikter memlekettik satyp alý saıtyna tenderdi jeńip alý nusqaýlyǵyn jarııalap jibergen – Is boıynsha tergeý bastaldy

Foto: Tengrınıýs

Shyǵys Qazaqstan oblysy Samara aýdanyndaǵy aýyl sharýashylyǵy basqarmasyna qarasty «Samar-Vet» kommýnaldyq kásiporny avtokólikti saqtandyrý boıynsha memlekettik satyp alý saıtyna tender sharttaryn jarııalady. Biraq «kezdeısoq», «tehnıkalyq erekshelik» qujatynda kompanııa qyzmetkerleri tenderdi qalaı jeńý kerektigi týraly egjeı-tegjeıli nusqaýlardy qaldyrdy. Bul týraly Stan.kz aqparat agenttigi habarlaıdy.

«Antıkor» memlekettik satyp alýlar portalynyń monıtorıngi barysynda bul jaǵdaıda tapsyrys berýshi men jetkizýshi arasynda yqtımal sóz baılasý faktisi anyqtalǵanyn habarlady.

«9 kólik birliginiń azamattyq-quqyqtyq jaýapkershiligin mindetti saqtandyrý quny 201 546 teńge. Tehnıkalyq sıpattamasy: ÝAZ 390945-330, LADA GRANTA SSANG YONG ACNOYON SPORT LADA 21214 LADA 21214 LADA 21214 LADA 21214 LADA 21214 LADA 21214. Kólikter týraly eshqandaı habarlama bermeńiz: memlekettik nómir de, shanaq nómiri de, tirkeý nómiri de kerek emes. Eger olar qońyraý shalyp, kólik týraly surasa, satyp alýshy ornynda joq dep aıtyńyz. Ketýge daıyn bolǵan kezde maǵan qońyraý shalyp eskertińiz. Lot nómirin kórseńiz aıtyńyz. Men ony qyzmetkerlerge beremin. Sen portalǵa shyqqan kezde olar ózderi túsinedi.  Barlyǵyn men jazǵandaı oryndasaq, tabysqa jetemiz», – dep jazylǵan memlekettik satyp alýlar saıtyndaǵy resmı qujatta.

Habarlamanyń emlesi men tynys belgileri saqtalǵan.

Shyǵys Qazaqstan oblysynyń aýyl sharýashylyǵy basqarmasy oblystyq «Samar-Vet» kommýnaldyq kásipornynyń kólik quraldaryn saqtandyrý boıynsha 270 myń teńgege memlekettik satyp alýyna qatysty aqparatqa túsinikteme berdi.

Basqarma ókilderiniń aıtýynsha, Samara oblysyndaǵy «Samar-Vet» kommýnaldyq kásiporny derbes zańdy tulǵa. Al bul habarlandyrýdy aýyl sharýashylyǵy basqarmasy memlekettik satyp alýlarǵa júrgizilgen ishki monıtorıng qorytyndysy boıynsha anyqtap, kúshin joıdy.

«Qyzmettik tekserý bastalyp, materıaldar quzyrly organdarǵa joldandy.Tekserý qorytyndysy boıynsha kináli laýazymdy tulǵalar qoldanystaǵy zańnamaǵa sáıkes qatań jaýapkershilikke tartylady. Aýdandyq vedomstvolyq baǵynysty uıymdardyń basshylary men mamandary quzyretine jáne sybaılas jemqorlyq táýekelderine ishki aýdıtten ótedi», – dedi aýyl sharýashylyǵy basqarmasy basshysynyń orynbasary Ramıl Saǵyndyqov.

Sybaılas jemqorlyqqa qarsy is-qımyl esebinde baıqaýdyń Shyǵys Qazaqstan oblysy boıynsha sybaılas jemqorlyqqa qarsy qyzmetiniń usynysy boıynsha ótkizilgeni atap ótilgen.

Aıta keteıik, buǵan deıin Senat depýtaty Bekbolat Orynbekov memlekettik satyp alýdyń jańa júıesin jasaý qajettigin aıtyp, depýtattyq saýal joldaǵany týraly jazǵan edik.