شەنەۋنىكتەردىڭ كەسىرىنەن 156 جەتىم بالا ءۇي كەزەگىنەن تىس قالعان

فوتو: اشىق دەرەككوز

وڭىردە الەۋمەتتىك وسال توپتاعى ازاماتتاردىڭ قۇقىعى قورعالدى.

جامبىل وبلىسىنىڭ پروكۋراتۋراسى الەۋمەتتىك تۇرعىن ۇيگە مۇقتاج 350-دەن استام ازاماتتىڭ قۇقىعىن قورعادى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

جامبىل وبلىسىنىڭ پروكۋراتۋراسى حالىقتىڭ الەۋمەتتىك وسال توبىنا جاتاتىن 356 ازاماتتىڭ, ونىڭ ىشىندە 156 جەتىم بالانىڭ تۇرعىن ءۇي قۇقىعىن قورعادى.

تەكسەرۋ ناتيجەسىندە جەرگىلىكتى اتقارۋشى ورگاننىڭ جالدامالى تۇرعىن ءۇي ءۇشىن تولەمدى نەگىزسىز جوعارىلاتۋ, پاتەر بەرۋ كەزىندە كەزەك ساقتاماۋ جانە ت. ب. فاكتىلەرى انىقتالدى.

مىسالى, بايزاق اۋدانىندا 2014 جىلدان بەرى 65 بالانى قامقورشىلارى باسپاناعا كەزەككە قويماعان.

پروكۋرورلىق دەن قويۋ شارالارى بويىنشا جالداۋ اقىسىنىڭ قۇنىن جالپى سوماسى 1,2 ملن تەڭگەگە تومەندەتۋ ارقىلى 200 ازاماتتىڭ قۇقىعى قورعالدى, 156 جەتىم بالا كەزەككە قويىلدى, ونىڭ ۇشەۋى ۇي الدى.

جىل سوڭىنا دەيىن 66 جەتىم بالانى پاتەرمەن قامتاماسىز ەتۋ جوسپارلانعان.