Sherzat Bolattyń ákesi bostandyqqa qashan shyǵady?

Foto: time.kz

Marqum Sherzat Bolattyń ákesi Qarjaýbaı Nurymov jeltoqsan aıynyń sońynda bostandyqqa shyǵady, dep habarlaıdy qandastar.kz

Bul týraly búgin Senat qabyrǵasynda jýrnalısterdiń suraǵyna jaýap bergen  ishki ister mınıstriniń orynbasary Sanjar Ádilov aqpar berdi.

Ol aldymen tergeýshiler Sherzat Bolattyń ólimine qatysty 11 qylmystyq is tergep bitkenin, is materıaldary osy jyldyń sońyna deıin eki tarapqa tanysýǵa beriletinin aıtty.

Jasóspirimniń ólimine qatysty 11 adam qamalǵan.

«Al, Sherzat Bolattyń ákesi ákimshilik sottyń sheshimimen 15 táýlikke qamalǵan bolatyn. Sot sheshimi boıynsha osy aıdyń sońynda, merzimi ótken soń bosaıdy», – dedi ol.