جاڭالىقتار
شەرزات بولاتتىڭ اكەسى قارجاۋباي نۇرىموۆ يزولياتوردان شىقتى
فوتو: ۆيدەو سكرين
شەرزات بولاتتىڭ اكەسى قارجاۋباي نۇرىموۆ يزولياتوردان بوساتىلدى. بۇل تۋرالى ونىڭ قورعاۋشىلارى ءمالىم ەتتى, دەپ حابارلايدى qandastar.kz
«قۇرمەتتى دوستار! قارجاۋباي يزولياتوردان بوساتىلدى. ونى ءبىزدىڭ كوماندانىڭ ادۆوكاتى اسىلبەك ءابدىرايىموۆ الىپ كەتتى. ونىمەن ءبارى جاقسى. قازىر ول وتباسىمەن ۋاقىت وتكىزىپ, دەمالعىسى كەلەدى. جاقىن ارادا قوسىمشا اقپارات بەرەمىز», – دەدى قورعاۋشى سايدا تاۋكەلەۆا.
سونىمەن قاتار, الەۋمەتتىك جەلىدە قارجاۋباي نۇرىموۆتىڭ قازاقستاندىقتارعا العىس ايتقان ۆيدەوسى جاريالاندى.
ەسكە سالا كەتەيىك, شەرزات بولاتتىڭ اكەسى ۇساق بۇزاقىلىق جاساعانى ءۇشىن 15 تاۋلىككە قاماۋعا الىنعان بولاتىن (اقبتك-ءنىڭ 434-بابىنىڭ 1-بولىگى).
