شەرزات بولاتتىڭ ولىمىنە قاتىستى ءىس قانداي باپ بويىنشا تەرگەلۋدە?

فوتو: Orda.kz

ىشكى ىستەر مينيسترلىگى تالعاردا 16 جاستاعى شەرزات بولاتتىڭ ولىمىنە قاتىستى تەرگەۋدىڭ بارىسى تۋرالى دەپۋتاتتىق ساۋالىنا جاۋاپ بەردى, دەپ حابارلايدى qandastar.kz

ءىس قازاقستان رەسپۋبليكاسى قىلمىستىق كودەكسىنىڭ بەس بابى, ونىڭ ىشىندە 99-باپتىڭ 2-بولىگى («قاساقانا كىسى ءولتىرۋ»), 293-بابىنىڭ 3-بولىگى («بۇزاقىلىق»), 115-بابى («قورقىتۋ») بويىنشا قارالىپ جاتىر. 432-باپ («قىلمىستى جاسىرۋ») جانە 434-باپ («قىلمىس تۋرالى حابارلاماۋ») بويىنشا قارالىپ جاتىر.

ىشكى ىستەر ءمينيسترى ەرجان سادەنوۆ تەرگەۋ جەكە باقىلاۋىندا دەپ سەندىردى. وقيعا ورنىندا ىشكى ىستەر مينيسترلىگى ورتالىق اپپاراتىنىڭ قىزمەتكەرلەرى جۇمىس ىستەپ جاتىر.

«تەرگەۋ جالعاسۋدا. وقيعا ورنىندا بولعان وزگە دە تۇلعالاردىڭ قاتىسى بار-جوعى انىقتالىپ, ولاردىڭ ارەكەتىنە قۇقىقتىق باعا بەرىلەدى. جالپى, ەلىمىزدەگى قىلمىستىق احۋال تۇراقتى, ىشكى ىستەر ورگاندارى مەملەكەت باسشىسىنىڭ تاپسىرماسىنا سايكەس مۇددەلى مەملەكەتتىك ورگاندارمەن بىرلەسىپ زاڭدىلىق پەن قۇقىقتىق ءتارتىپتى قامتاماسىز ەتۋ بويىنشا جۇمىستى جالعاستىرۋدا», – دەدى. سادەنوۆ.

ەستەرىڭىزگە سالا كەتەيىك, قايعىلى وقيعا 4 قازانعا قاراعان ءتۇنى تالعارداعى دۇكەندەردىڭ بىرىندە بولعان. جانجال دوستارىن كومەككە شاقىرعان ساتىپ الۋشىدان باستالعان. ءۇش كولىكپەن كەلگەن ولار ءجاسوسپىرىمدى, ونىڭ اكەسى مەن اعاسىن پىشاق پەن اتىس قارۋىن قولدانىپ ۇرا باستاعان. سالدارىنان شەرزات ءولىمشى جاراقات الىپ, اجال قۇشقان ەدى.