Sherzat Bolattyń ólimine qatysty is qandaı bap boıynsha tergelýde?

Foto: Orda.kz

Ishki ister mınıstrligi Talǵarda 16 jastaǵy Sherzat Bolattyń ólimine qatysty tergeýdiń barysy týraly depýtattyq saýalyna jaýap berdi, dep habarlaıdy qandastar.kz

Is Qazaqstan Respýblıkasy Qylmystyq kodeksiniń bes baby, onyń ishinde 99-baptyń 2-bóligi («Qasaqana kisi óltirý»), 293-babynyń 3-bóligi («Buzaqylyq»), 115-baby («Qorqytý») boıynsha qaralyp jatyr. 432-bap («Qylmysty jasyrý») jáne 434-bap («Qylmys týraly habarlamaý») boıynsha qaralyp jatyr.

Ishki ister mınıstri Erjan Sádenov tergeý jeke baqylaýynda dep sendirdi. Oqıǵa ornynda Ishki ister mınıstrligi ortalyq apparatynyń qyzmetkerleri jumys istep jatyr.

«Tergeý jalǵasýda. Oqıǵa ornynda bolǵan ózge de tulǵalardyń qatysy bar-joǵy anyqtalyp, olardyń áreketine quqyqtyq baǵa beriledi. Jalpy, elimizdegi qylmystyq ahýal turaqty, ishki ister organdary Memleket basshysynyń tapsyrmasyna sáıkes múddeli memlekettik organdarmen birlesip zańdylyq pen quqyqtyq tártipti qamtamasyz etý boıynsha jumysty jalǵastyrýda», – dedi. Sádenov.

Esterińizge sala keteıik, qaıǵyly oqıǵa 4 qazanǵa qaraǵan túni Talǵardaǵy dúkenderdiń birinde bolǵan. Janjal dostaryn kómekke shaqyrǵan satyp alýshydan bastalǵan. Úsh kólikpen kelgen olar jasóspirimdi, onyń ákesi men aǵasyn pyshaq pen atys qarýyn qoldanyp ura bastaǵan. Saldarynan Sherzat ólimshi jaraqat alyp, ajal qushqan edi.