جاڭالىقتار
شەرزات بولاتتىڭ ولىمىنە قاتىستى سوت وتىرىسى قاشان وتەدى?
فوتو: اشىق دەرەككوز
باس پروكۋروردىڭ ورىنباسارى اسەت شىنداليەۆ تالعاردا ءبىر توپ بۇزاقىنىڭ قولىنان قازا تاپقان شەرزات بولاتتىڭ ىسىنە قاتىستى سوت وتىرىسى قاشان وتەتىنىن ايتتى, دەپ حابارلايدى qandastar.kz
شىنداليەۆتىڭ سوزىنشە, تەرگەۋ اياقتالىپ, ءىس ماتەريالدارى پروكۋرورعا تاپسىرىلعان.
«سوتتىڭ قاشان باستالاتىنى الداعى 10 كۇن ىشىندە شەشىلەدى. ەگەر ءىس كۇردەلى بولىپ, بىرنەشە ەپيزودتان تۇرسا, پروكۋروردىڭ شەشىم قابىلداۋىنا ءبىر ايعا دەيىن ۋاقىت بەرىلۋى مۇمكىن,» – دەدى شىنداليەۆ.
ايتا كەتەيىك, بۇعان دەيىن شەرزات بولاتتى ءولتىرۋ ءىسى بويىنشا قىلمىستى تەرگەۋ اياقتالعانى تۋرالى حابارلاعان ەدىك.
تاراپتار قىلمىستىق ءىس ماتەريالدارىمەن تولىق تانىستى, ءىس سوتقا جىبەرۋ ءۇشىن پروكۋرورعا جولداندى.
تەرگەۋ بارىسىندا 40 سوت ساراپتاماسى جۇرگىزىلدى, شامامەن 200 كۋاگەردەن جاۋاپ الىندى, بارلىق كۇدىكتىلەردىڭ وقيعا ورنىندا ايتقان جاۋاپتارى تەكسەرىلدى, پروتسەسس قاتىسۋشىلارى اراسىندا بەتتەستىرۋلەر وتكىزىلدى, سونداي-اق قىلمىستىڭ بارلىق ءمان-جايىن انىقتاۋعا باعىتتالعان وزگە دە تەرگەۋ ارەكەتتەرى جۇزەگە اسىرىلدى.
قىلمىسقا قاتىسۋشىلاردىڭ بارلىعىنا قۇقىقتىق باعا بەرە وتىرىپ, 8 بەينەماتەريال زەرتتەلدى.
قىلمىستىق ءىس 62 تومنان تۇرادى, ونىڭ ىشىندە بارلىق جينالعان دالەلدەمەلەر, ساراپتاما قورىتىندىلارى, جاۋاپ الۋ حاتتامالارى جانە باسقا دا ماڭىزدى ماتەريالدار بار.
ءاربىر تەرگەۋ ارەكەتى قىلمىستىق زاڭناما تالاپتارىنا سايكەس جۇرگىزىلدى, تەرگەۋدىڭ بارلىق كەزەڭدەرىندە زاڭدىلىق, اشىقتىق جانە وبەكتيۆتىلىك قامتاماسىز ەتىلدى.
تەرگەۋدىڭ بارىسى جانە پروتسەسس قاتىسۋشىلارىنىڭ كونستيتۋتسيالىق قۇقىقتارىنىڭ ساقتالۋى پروكۋراتۋرا ورگاندارىنىڭ باقىلاۋىندا بولدى.
ەسكە سالايىق, 2024 جىلى 4 قازاندا تالعاردا 16 جاستاعى ءجاسوسپىرىم شەرزات بولات قازا تاپتى. اراعا ءبىراز ۋاقىت سالىپ شەرزاتتىڭ اعۆسى نۇرقانات عايىپباەۆ تا ءولى تابىلدى.
