Sherzat Bolattyń ólimine qatysty sot otyrysy qashan ótedi?

Foto: ashyq derekkóz

Bas prokýrordyń orynbasary Áset Shyndalıev Talǵarda bir top buzaqynyń qolynan qaza tapqan Sherzat Bolattyń isine qatysty sot otyrysy qashan ótetinin aıtty, dep habarlaıdy qandastar.kz

Shyndalıevtiń sózinshe, tergeý aıaqtalyp, is materıaldary prokýrorǵa tapsyrylǵan.

«Sottyń qashan bastalatyny aldaǵy 10 kún ishinde sheshiledi. Eger is kúrdeli bolyp, birneshe epızodtan tursa, prokýrordyń sheshim qabyldaýyna bir aıǵa deıin ýaqyt berilýi múmkin,» – dedi Shyndalıev.

Aıta keteıik, buǵan deıin Sherzat Bolatty óltirý isi boıynsha qylmysty tergeý aıaqtalǵany týraly habarlaǵan edik.

Taraptar qylmystyq is materıaldarymen tolyq tanysty, is sotqa jiberý úshin prokýrorǵa joldandy.

Tergeý barysynda 40 sot saraptamasy júrgizildi, shamamen 200 kýágerden jaýap alyndy, barlyq kúdiktilerdiń oqıǵa ornynda aıtqan jaýaptary tekserildi, proess qatysýshylary arasynda bettestirýler ótkizildi, sondaı-aq qylmystyń barlyq mán-jaıyn anyqtaýǵa baǵyttalǵan ózge de tergeý áreketteri júzege asyryldy.

Qylmysqa qatysýshylardyń barlyǵyna quqyqtyq baǵa bere otyryp, 8 beınematerıal zertteldi.

Qylmystyq is 62 tomnan turady, onyń ishinde barlyq jınalǵan dáleldemeler, saraptama qorytyndylary, jaýap alý hattamalary jáne basqa da mańyzdy materıaldar bar.

Árbir tergeý áreketi qylmystyq zańnama talaptaryna sáıkes júrgizildi, tergeýdiń barlyq kezeńderinde zańdylyq, ashyqtyq jáne obektıvtilik qamtamasyz etildi.

Tergeýdiń barysy jáne proess qatysýshylarynyń konstıtýııalyq quqyqtarynyń saqtalýy prokýratýra organdarynyń baqylaýynda boldy.

Eske salaıyq, 2024 jyly 4 qazanda Talǵarda 16 jastaǵy jasóspirim Sherzat Bolat qaza tapty. Araǵa biraz ýaqyt salyp Sherzattyń aǵvsy Nurqanat Ǵaıypbaev ta óli tabyldy.